दूध बेचेर मासिक नौ लाख

पोखरा, २१ साउन । मेहनत गरे आफनै देशमा मनग्य कमाउन सकिन्छ भन्ने उदाहरण बनेका छन्, कास्की लाहाचोकका कृषक इमानबहादुर गुरुङ ।

तीन वर्षअघिदेखि भैँसी र गाईपालनबाट व्यवसाय सुरु गरेका उनले दूध बिक्रीबाट मासिक नौ लाख आम्दान गर्ने गरेका छन् । अहिले उनले गोठमा तीन सय वटा उन्नत जातका भँैसी र १२ वटा गाई पालेका छन् । ‘दैनिक आठ सय लिटरदेखि ९ सय लिटरसम्म दूध उत्पादन हुन्छ’, गुरुङले भने ।

उत्पादन भएको दूधमध्ये भँैसीको प्रति लिटिर रु ८० र गाईको प्रतिलिटर ५० रुपैयाँमा पोखरामा ल्याएर बिक्री गर्ने गरेको उनले बताए । गुरुङको प्रेरणाबाट नै उक्त गाउँका ६०÷६५ किसानले पशुपालन व्यवसाय गरेर आयआर्जन गर्ने गरेका छन् । उनले आफनो ७० रोपनी जमिनमा घाँसखेतीसमेत लगाएका छन् । रासस