नयाँ वर्षमा पर्यटकै पर्यटक

pokhara-touristलुम्बिनी, वैशाख ४ गते । नयाँ वर्ष २०७४ को अवसरमा वैशाखको पहिलो तीन दिनमा विश्व शान्तिको मुहान लुम्बिनीमा झन्डै तीन लाख पर्यटकले अवलोकन गरेका छन् ।

विश्व प्रसिद्ध लुम्बिनीको अवलोकन, भ्रमणका लागि स्वदेशी तथा विदेशी पर्यटक गरी झन्डै तीन लाख लुम्बिनी आएको लुम्बिनी विकास कोषले जनाएको छ ।

नयाँ वर्षको अवसरमा लुम्बिनी घुम्न आएको यो सङ्ख्या अहिलेसम्मकै उच्च रहेको कोषले जनाएको छ । लुम्बिनीस्थित मायादेवी मन्दिरको दर्शनका बेला मायादेवी मन्दिर प्रवेशद्वारमा नियमित रुपमा रेकर्ड राख्ने गरिएकामा दर्शनार्थीको भीड अत्यधिक भएपछि रेकर्डससमेत राख्न नसकिएको कोषले जनाएको छ ।

लुम्बिनीमा आयोजना गरिएको बुद्ध जयन्ती मेलामा भन्दा पनि दोब्बर सङ्ख्यामा नयाँ वर्षमा घुम्न आएको लुम्बिनी विकास कोषको सूचना शाखाले जनाएको छ । शाखाका अनुसार वैशाख १ गतेमात्रै एक लाख ६० हजारको हाराहारीमा मायादेवी मन्दिरको दर्शन गरेका थिए । लुम्बिनी घुम्न आउनेमा अधिकांश नेपाली पर्यटक थिए ।

अत्यधिक मात्रामा आन्तरिक पर्यटक आएपछि लुम्बिनी विकास कोषलाई व्यवस्थापनमा समेत कठिनाइ भएको थियो । लुम्बिनी विकास कोषभित्र रहेका बसपार्कमा यातायातका साधन राख्ने ठाउँ थिएन भने मायादेवी मन्दिरको दर्शका लागि घन्टौँ लाइन बस्नुपरेको थियो । लुम्बिनी घुम्न आएका अधिकांशले लुम्बिनी घुमाई निकै रमाइलो भएको बताएका छन् । नयाँ वर्षको अवसर पारेर घुम्नका लागि भनेरै लुम्बिनी आउनुभएका काठमाडौँका धीरेन्द्र पन्तले लुम्बिनी घुमाइ निकै रमाइलो भएको बताउनुभयो ।

उहाँले लुम्बिनीस्थित मायादेवी मन्दिर, अखण्ड दीप, शान्ति स्तूपासहित विभिन्न देशले निर्माण गरेका विहारको अवलोकन गरेको बताउनुभयो । लुम्बिनी विकास कोषले लुम्बिनीस्थित सेन्ट्रल क्यानलमा डुङ्गा सञ्चालनमा ल्याएपछि पर्यटकको चाप झनै बढेको छ । कोषले दिएको जानकारीअनुसार शुक्रबार र शनिबार सार्वजनिक बिदा परेका कारण लुम्बिनीमा आन्तरिक पर्यटकको निकै घुइँचो लागेको हो । आज पनि पर्यटकको चाप त्यत्तिकै मात्रामा छ ।

लुम्बिनीमा पर्यटकको चाप बढेसँगै लुम्बिनीमा रहेका तारेदेखि सामान्यखालका होटलसमेत खचाखच भएका थिए । पछिल्लो समय लुम्बिनी घुम्नका लागि गतिलो गन्तव्य बनेको छ भने अशान्त मनलाई शान्त बनाउन पनि धेरै लुम्बिनी पुग्ने गरेका छन् । रासस

Related News

Comments are closed

TOP NEWSview all

Efforts are underway to send US vaccines to Nepal: Ambassador Khatiwada

Govt. to resume Vaccination Campaign from May 16

CAAN asks not to charge high fare in name of Emergency Flight

NRNA to supply Oxygen Concentrators to Nepal

Kami Rita scales Everest 25 times; Tourism Ministry appeals not to disseminate fake information




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter