सरकार र मोर्चाबीचको बैठक सकियो : निर्वाचन दुई चरणमा गर्ने सहमति
April 22, 2017 | 9:38 pm
काठमाडौँ, वैशाख ९ गते । प्रधानमन्त्री निवास बालुवाटारमा दिउँसो तीन बजेदेखि बसेको सरकार र मधेसी मोर्चाको बैठक सकिएको छ । बैठकले स्थानीय तहको निर्वाचन दुई चरणमा गर्ने सहमति गरेको छ ।
पहिलो चरणको चुनाव वैशाख ३१ गते र दोस्रो चरणको चुनाव जेठमा गर्ने सहमति भएको भौतिक पूर्वाधार तथा यातायात मन्त्री रमेश लेखकले बताए । निर्वाचनको मिति भने आयोगसाँग परामर्श गरेर सरकारले तय गर्ने सहमति भएको उनले बताए ।
वैठकमामा संशोधन विधेयक परिमार्जन गर्ने सहमति समेत भएकोछ । तर, प्रक्रियामा सहमति जुट्न बाँकी छ । सहमतिअनुसार भोलि नै सरकारले संविधान संशोधन विधेयक परिमार्जनसहित पास गर्न गृहकार्य सुरु गर्नेछ ।
सरकार र मोर्चाबीच भएको सहमतिसँगै मोर्चाले घोषणा गरेको आन्दोलनको सबै कार्यक्रम स्थगित गरेको छ ।