प्रधानन्यायाधीश पराजुलीले बुझाए राजीनामा; कामु प्रधानन्यायाधीश जोशीबाट पदभार ग्रहण
March 15, 2018 | 8:38 pm
काठमाडौँ, चैत १ गते । पदमुक्त भइसकेका प्रधानन्यायाधीश गोपाल पराजुलीले राष्ट्रपति विद्या भण्डारी समक्ष राजीनामा बुझाएका छन् ।
मंगलबार पदमुक्त भएका प्रधानन्यायाधीश पराजुलीले बिहीबार बिहान राजीनामा बुझाएका हुन् ।
पराजुलीलाई बुधबार न्याय परिषद्को सचिवालयले उमेर हदका कारण २०७४ साउन २१ मै पदमुक्त भइसकेका थिए ।
कामु प्रधानन्यायाधीश जोशीबाट पदभार ग्रहण
सर्वोच्च अदालतका वरिष्ठतम् न्यायाधीश दीपकराज जोशीले कायममुकायम प्रधानन्यायाधीशका रुपमा आज पदभार ग्रहण गर्नुभएको छ ।
कामु प्रधानन्यायाधीश जोशीले पदबहालीलगत्तै इजलास तोकी काम समेत शुरु गर्नुभएको छ ।
न्यायपरिषदले बुधबारको सचिवस्तरीय पत्रमार्फत प्रधानन्यायाधीश गोपालप्रसाद पराजुलीको २०७४ साउन २१ गते ६५ वर्ष पुगेको नागरिकता र शैक्षिक प्रमाणपत्रबाट पुष्टि भएको भन्दै उहाँ पदमा नरहेको जानकारी गराएको थियो । रासस