बजेटले जनताको अपेक्षा सम्बोधन गरेको अर्थमन्त्रीको भनाई
काठमाडौं, जेठ १६ गते अर्थमन्त्री डा. युवराज खतिवडाले जनताको अपेक्षालाई सम्बोधन हुने गरी सरकारले बजेट ल्याएको बताएका छन् । जनताको तत्कालीन र दीर्घकालीन अपेक्षाहरुलाई सम्बोधन हुने गरी सरकारले बजेट ल्याएको उनले प्रष्ट पारे ।
अर्थ मन्त्रालयमा बिहीबार पत्रकार सम्मेलन गरी उनले जनताको तत्कालीन समस्या समाधानका लागि शिक्षा, स्वास्थ्य, खानेपानी, पूर्वाधार लगायतका समस्या समाधानमा जोड दिइएको उनको भनाई थियो ।
बजेटले आगामी आर्थिक वर्ष भित्र ७० वटा जिल्लालाई पूर्ण साक्षार जिल्लाको रुपमा घोषणा गर्न ५ अरब बजेटको व्यवस्था गरेको उनले जानकारी दिए । स्वास्थ्य क्षेत्रको विकासका लागि २२ प्रतिशत बजेट पु¥याइएको उल्लेख गरे । बजेटले मौलिक हकसँग सम्बन्धित रोजगारीको समस्या समाधानका लागि प्रधानमन्त्री रोजगार कार्यक्रमलाई प्राथमिकता दिइएको प्रष्ट्याए । ‘गरिव र विपन्न वर्गलाई लक्षित गरी प्रधानमन्त्री स्वरोजगार कार्यक्रमलाई निरन्तरता दिइएको हो,’ उनले भने् ।
समाजिक सुरक्षा भत्ता एक हजार बृद्धि गरेको उल्लेख गर्दै युवा परिचालन, महिला हिंसा अन्त्यलगायतका कार्यक्रमलाई प्रभावकारी बनाउने गरी बजेटको व्यवस्था गरेको उनले बताए ।