थप एक हजार ६९ जना सङ्क्रमितसहित ४० हजार ५२९ पुग्याे; काठमाडौँ उपत्यकामा कोरोनाका ४८१ सङ्क्रमित थपिए

काठमाडौँ, भदौ १६ गते । नेपालमा एक हजार ६९ जना कोरोना सङ्क्रमित थपिएका छन् । थप ३४४ महिलासहित एक हजार ६९ जना कोरोना भाइरस पुष्टि भएको छ । पछिल्लो २४ घण्टामा १२ हजार ८८ जनाको आरटी पीसीआर परीक्षण गरिएको थियो । सकृय सङ्क्रमितहरू १८ हजार ११२ रहेका छन् । संस्थागत आइसाेलेसनमा दश हजार ८३२ र हाेम आइसाेलेसनमा सात हजार २८० छन् ।

स्वास्थ्य तथा जनसङ्ख्या मन्त्रालयले दैनिक प्रेस ब्रिफिङमा पछिल्लो २४ घण्टामा थपिएकासँगै सङ्क्रमित हुने कुल ४० हजार पुगेको जनाइएको छ ।

पछिल्लो २४ घण्टामा ७६८ जना कोरोना सङ्क्रमित निको भएर घर फर्केका छन् । योसँगै कुल निको हुने दर ५५ प्रतिशत छ । कुल डिस्चार्ज भएकाहरू २२ हजार १७८ पुगेको छ ।

विदेशबाट फर्केका अधिकांश क्वारेन्टिनमा बसेका छन् । यसरी बस्नेहरू सात हजार ३९० रहेका छन् ।

काठमाडौँ उपत्यकामा कोरोनाका ४८१ सङ्क्रमित थपिए

काठमाडाैँ उपत्यकामा कोरोनाभाइरसका ४८१ सङ्क्रमित थपिएका छन् । पछिल्लो चौबीस घण्टामा काठमाडाैँ उपत्यकाका तीन जिल्लामा ४८१ सङ्क्रमित थपिएका छन् ।

स्वास्थ्य तथा जनसङ्ख्या मन्त्रालयले दैनिक प्रेस ब्रिफिङको क्रममा काठमाडाैँमा ३९३, ललितपुरमा ५८ र भक्तपुरमा ३० जना गरी ४८१ जना थपिएको जनाएको छ । मन्त्रालयका प्रवक्ता डा. जागेश्वर गौतमले पछिल्लो चौबीस घण्टामा ७६९ जना कोरोना सङ्क्रमित निको भएर घर फर्केका छन् । यो पछिल्लो चौबीस घण्टामा निको हुने अहिलेसम्मकै सबैभन्दा बढी हो । पछिल्लो चौबीस घण्टामा १२ हजार ८८ जना पीसीआर परीक्षण गरिएको छ ।

Related News

Comments are closed

TOP NEWSview all

NRNA to supply Oxygen Concentrators to Nepal

Kami Rita scales Everest 25 times; Tourism Ministry appeals not to disseminate fake information

Humla section of Karnali Corridor built in timeframe

Nepal’s Kushal Bhurtel nominated for ICC Men’s Player of the month award

Nepal climbs a notch up in T-20 ranking and ranked 13th




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter