भेरी अस्पतालमा बिरामी र कुरुवालाई २० रुपियाँमै पेटभरि खाना

गोविन्द शर्मा / बाँके, कात्तिक २३ गते । भेरी अस्पताल नेपालगञ्जमा उपचारका लागि आउने बिरामी र कुरुवाहरुका लागि २० रुपियाँमा पेटभरि खाना दिन थालिएको छ । नेपालगञ्ज उप–महानगरपालिका र श्री सुन्दरकाण्ड मित्र मण्डलले सुरु गरेको अभियानमा खाना खान आउनेहरुको सङ्ख्या दिन प्रतिदिन बढिरहेको छ । सुन्दरकाण्ड मित्र मण्डलका संरक्षक विजय गुप्ताले दैनिक चारसय जनालाई आफहरुले खाना खुवाउन सक्ने जानकारी दिनुभयो ।

हाल दैनिक एकसय पचास जनासम्म ब्यक्तिले खाना खाईरहेको गुप्ताले जानकारी दिनुभयो । कोभिड–१९ का बिरामीहरुको उपचारसँगै भेरी अस्पतालमा पश्चिम नेपालका विभिन्न जिल्लाबाट दैनिक सयौं ब्यक्ति उपचारका लागि आउने गरेका छन् । विपन्न ब्यक्ति तथा अस्पतालमा उपचाररत बिरामी र कुरुवालाई लक्षित गरी २० रुपियाँमा खाना खुवाउन थालिएको मित्र मण्डलले जनाएको छ ।

नेपालगञ्ज उप–महानगरपालिकाका प्रमुख डा. धवलशम्शेर राणाले मानवीय कार्यमा स्थानीय सरकार सधै सहयोगका लागि तयार रहेको बताउनुभयो । २० रुपियाँमा एकदमै राम्रो खाना दिन सक्नु आफैमा पुण्यको काम हो, आईतबार खाना स्थलमा पुग्नुभएका प्रमुख डा. राणाले भन्नुभयो,– यस्ता कार्यमा सबैको सहयोग हुनुपर्छ ।

अस्पताल परिसरमा शनिबार बाहेक हरेक दिन बिहान १० देखि १ बजेसम्म खाना खुवाउने कार्य चलिरहेको छ । आईतबार भेरी अस्पतालमा पुगेर २० रुपियाँमा खाना खाएपछि बाँकेका प्रमुख जिल्ला अधिकारी रामबहादुर कुरुम्बाङले खानाको गुणस्तर राम्रो पाएको बताउनुभयो । यसलाई निरन्तरता दिनुपर्छ, प्रमुख जिल्ला अधिकारी कुरुम्बाङले भन्नुभयो,– मानवीय सहयोगका कार्यमा सक्नेजतिले सहयोग गर्नुपर्छ । अभियानमा नेपालगञ्ज उप–महानगरपालिकाले मासिक ५० हजार रुपियाँ सहयोग गर्दै आएको छ । अन्य खर्च मित्र मण्डलले सहयोगी दातालगायतबाट ब्यवस्थापन गर्दै आएको छ ।

Related News

Comments are closed

TOP NEWSview all

CAAN asks not to charge high fare in name of Emergency Flight

NRNA to supply Oxygen Concentrators to Nepal

Kami Rita scales Everest 25 times; Tourism Ministry appeals not to disseminate fake information

Humla section of Karnali Corridor built in timeframe

Nepal’s Kushal Bhurtel nominated for ICC Men’s Player of the month award




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter