२४ घण्टामा १११ कोरोना संक्रमित थपिए : एक जनाको मृत्यु
March 4, 2022 | 11:09 pm
काठमाडौं, फागुन २० गते । पछिल्लो २४ घण्टामा पीसीआर परीक्षण गर्दा १११ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ७ हजार ९१ जनाको पीसीआर परीक्षण गर्दा १११ जनामा संक्रमण पुष्टि भएको हो ।
मन्त्रालयका अनुसार १८ सय ४२ जनाको एन्टीजेन परीक्षण गर्दा १५ जनामा संक्रमण देखिएको छ । त्यसैगरी पछिल्लो २४ घण्टामा कोरोनाले एक जनाको मृत्यु भएको छ भने ३८५ जना डिस्चार्ज भएका छन् ।
अहिले देशभर ७ हजार २४२ जना सक्रिय संक्रमित रहेका छन् । २४ घण्टामा ३७ हजार १९२ जनाले खोप लगाएको मन्त्रालयले जनाएको छ । नेपालमा पछिल्ला दिनमा संक्रमण दर घट्दै गएको छ ।