साक्षरता दिवसमा विद्यार्थीलाई सम्मान
गोकर्ण पौडेल / तुलसीपुर, भदौ २२ गते । ५७ औँ अन्तर्राष्ट्रिय साक्षरता दिवसका अवसरमा तुलसीपुर उपमहानगरपालिका सर्वोत्कृष्ट नतिजा ल्याउने विद्यार्थीलाई नगदसहित सम्मान गरेको छ ।
सामाजिक विकास समितिका संयोजक मानबहादुर रावतको अध्यक्षता एवम तुलसीपुर उपमहानगरपालिकाका उपप्रमुख स्यानी चौधरीको प्रमुख आतिथ्यतामा कार्यक्रम सम्पन्न भएको हो ।
पालिकाले सामुदायिक विद्यालयतर्फ गुरुजजुर माध्यमिक विद्यालयका सुनिल न्यौपाने, बालमितेरीका बासुदेव अधिकारी र कमला श्रेष्ठ, संस्थागततर्फ ज्ञानज्योतिका जेनिसा सुवेदी, अमरका लोचना अधिकारी, तुलसी माविका भीषण डाँगी, भरत वली र दीक्षान्त केसी, चन्द्रोदय विद्याकुञ्जका प्रतीक भण्डारी र सागर बस्नेतलाई नगदसहित सम्मान गरिएको छ ।
त्यस्तै कक्षा १२ मा सर्वोत्कृष्ट नतिजा ल्याउने सामुदायिक गुरुजजुर माविका दीपेन्द्र घर्ती, माध्यमिक विद्यालय सेन्टरका आस्था केसी, संस्थागततर्फ गोरखाकी समीक्षा हमाल र ज्ञानज्योतिका सिद्धान्त केसीलाई सम्मान गरिएको हो ।
कार्यक्रममा तुलसीपुर उपमहानगरपालिका उपप्रमुख स्यानी चौधरीले पालिकाले शिक्षा सुधारमा पालिकाको तर्फबाट भौतिक, शैक्षिक सुधारका काम सुरुवात् गरेको बताउनुभयो । कार्यक्रमका प्रमुख अतिथि स्यानी चौधरीले पालिकाको तर्फबाट स्थानीय पाठ्यक्रम र पाठ्यपुस्तक तयार पारी कार्यान्वयनमा ल्याएको बताउनुभयो ।