नागरिक लगानी कोषले दश लाख कित्ता सेयर बाँडफाँड

काठमाडौँ, ११ असोज । नागरिक लगानी कोषले जलविद्युत् लगानी तथा विकास कम्पनी लिमिटेडले सामूहिक लगानी कोष (म्युचियल फन्ड)लाई छुट्ट्याइएको १० लाख कित्ता सेयर आज बाँडफाँड गरेको छ ।

धितोपत्रसम्बन्धी ऐन, २०६३ को व्यवस्थाअनुसार सामूहिक लगानी कोषलाई बाँडफाँड गरिएको हो । नेपाल धितोपत्र बोर्डको स्वीकृत विवरणपत्रलाई कम्पनी ऐन २०६३ मा भएको व्यवस्थाअनुसार सामूहिक लगानी कोष नियमावली २०६७ को नियम ४६ बमोजिम कोषलाई छुट्याएको पाँच प्रतिशत अर्थात १० लाख कित्ता सेयर खरिदको लागि परिपत्रविधिद्वारा आह्वान गरिएको थियो ।

त्यसमा छवटा सामूहिक लगानी कोष योजनाबाट दरखास्त परेको थियो । दस लाख कित्ता सेयरलाई माग गरिएको अनुपातमा १० लाख कित्ता अर्थात रु १० करोडको सेयर बाँडफाँड गरिएको कोषले जनाएको छ ।

सेयर निष्कासन तथा बिक्री प्रबन्धक नागरिक लगानी कोष, सह निष्कासन तथा बिक्री प्रबन्धक एनसिएम मर्चेन्ट बैङ्किङ तथा एनएमवी क्यापिटल लिमिटेड र कम्पनीको निर्णयअनुसार बाँडफाँड गरिएको हो । बाँकी रहेको एक करोड ९० लाख कित्ता (कम्पनीका कर्मचारीसहित) सेयर सर्वसाधारणको लागि दसैँ अगाडि आह्वान गरिने कोषका उपव्यवस्थापक रोशनजङ्ग कार्कीद्वारा जारी विज्ञप्तिमा जनाइएको छ । रासस

Related News

Comments are closed

TOP NEWSview all

Efforts are underway to send US vaccines to Nepal: Ambassador Khatiwada

Govt. to resume Vaccination Campaign from May 16

CAAN asks not to charge high fare in name of Emergency Flight

NRNA to supply Oxygen Concentrators to Nepal

Kami Rita scales Everest 25 times; Tourism Ministry appeals not to disseminate fake information




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter