पोखरा, २७ कात्तिक । पश्चिमाञ्चल होटल सङ्घ पोखराद्वारा आज लेकसाइडस्थित वटरफ्लाई फाउन्डेसनको भवनमा पोखरा घुम्न आएका विदेशी पाहुनालाई टीका लगाइदिने काम भयो ।

गएको वैशाख १२ गतेको भूकम्प र भारतले लगाएको नाकाबन्दीपछि पर्यटन व्यवसायमा आएको मन्दीलाई न्यून गर्न सङ्घले आज नवौं संस्करणको भाइटीका महोत्सवको आयोजना गरेको सङ्घका संस्थापक अध्यक्ष गोविन्द पहारीले बताउनुभयो ।

महोत्सवमा चीन, स्वीट्जरल्यान्ड, बेल्जियम, क्यानाडा, अमेरिका, नेदरल्यान्ड, अष्ट्रिया, फ्रान्सलगायतका मुलुकका महिला र पुरुष गरी २५ पर्यटकको सहभागिता थियो ।

रेन्बो चिल्ड्रेन होमका अनाथ बालिकाहरूले ती विदेशी पाहुनालाई टीका लगाई सगुनको रुपमा सेलरोटी र मसला प्रदान गरेका थिए ।

नेपाली परम्पराअनुसार ती बालबालिकाले पाहुनाहरूलाई तीन पटक पानी र तेलको धार लगाएर वरिपरि घुमी सप्तरङ्गी टीका र मखमली पूmलको माला लगाइदिएका थिए । रासस