सिँचाइ आयोजनाले आर्थिक समृद्धिमा महत्वपूर्ण योगदान दिने

दाङ, २९ मङ्सिर । सिँचाइमन्त्री दीपक गिरीले बृहद् दाङ सिँचाइ योजनाले दाङको आर्थिक समृद्धिमा महत्वपूर्ण योगदान दिने बताउनुभएको छ ।

आज यहाँ बृहद् दाङ उपत्यका सिँचाइ योजना कार्यालयको उदघाटन गर्दै उहाँले योजना सञ्चालनमा आएपछि जिल्लाको एक लाख विघा क्षेत्रफल जग्गामा सिँचाइ सुविधा पु¥याउन सकिने बताउनुभयो ।

सो अवसरमा मन्त्री गिरीले संविधान कार्यान्वयन गर्न सबै दल मिल्नुको बिकल्प नरहेको विचार व्यक्त गर्नु भयो । अहिले मुलुक बनाउन एकताको खाँचो रहेको संविधान कार्यान्वयन भएपछि मात्र देशले आर्थिक रुपमा फड्को मार्न सक्ने उहाँको भनाइ थियो ।

कार्यक्रममा सांसद बुद्धिराम भण्डारी, डिल्लीबहादुर चौधरी, अनिता देवकोटा, अनारकली मियाँ र प्रजिअ दीपक काफ्लेले सिँचाइ आयोजनालाई सफल बनाउन सबै सक्रिय हुनुपर्ने बताउनुभयो । रासस