राष्ट्रपतिबाट सहमतीय सरकार गठनका लागि दलहरुलाई आह्वान

जेष्ठ ११, २०७४ राष्ट्रपति विद्यादेवी भण्डारीले राजनीतिक सहमतीका आधारमा प्रधानमन्त्री चयनका लागि संसदमा प्रतिनिधित्व गर्ने राजनीतिक दललाई आह्वान गर्नुभएको छ ।

प्रधानमन्त्री पुष्पकमल दाहालले हिजो पदबाट राजिनामा दिएपछि राष्ट्रपति भण्डारीले संवैधानिक ब्यवस्थाअनुसार सहमतीका लागि दलहरुलाई एक साताको समय दिनुभएको हो ।

राष्ट्रपति कार्यालयद्धारा जारी बिज्ञप्तिमा भनिएको छ, ‘नेपालको संविधान धारा २९८ को उपधारा २ बमोजिम सात दिन भित्र राजनीतिक सहमतीका आधारमा प्रधानमन्त्रीको निर्वाचन सम्पन्न गरी निजको अध्यक्षतामा मन्त्रिपरिषद गठन गर्न संसदमा प्रतिनिधित्व गर्न राजनीतिक दललाई आह्वान छ ।

‘ सहमतीका आधारमा प्रधानमन्त्री चयन हुन नसके मात्र बहुमतका आधारमा प्रधानमन्त्री चयन गर्नुपर्ने संवैधानिक व्यवस्था छ ।