हुम्ला र डोल्पामा हवाई एम्बुलेन्सको व्यवस्था गर्ने- मन्त्री रावल

Jufal Airportसुर्खेत फागुन ८ गते । प्रदेश नं ६ का सामाजिक विकासमन्त्री दलबहादुर रावलले यातायात नपुगेका जिल्लामा हवाई एम्बुलेन्सको व्यवस्था गर्ने बताउनुभएको छ ।

यातायातले नछोएका कर्णालीका हुम्ला र डोल्पाका नागरिकलाई यातायातका कारण उपचारमा समस्या आउने गरेको छ, आज मन्त्रालयमा पत्रकारसँग कुराकानी गर्दै उहाँले भन्नुभयो– “त्यस क्षेत्रका नागरिकलाई सहज स्वास्थ्य सेवा पु¥याउनका लागि हवाई एम्बुलेन्सको व्यवस्था गरिनेछ ।”

मन्त्री रावलले दुर्गमका नागरिकले अब उपचारको अभावमा ज्यान गुमाउन नपर्ने बताउँदै उनीहरुका लागि हवाई एम्बुलेन्सको व्यवस्था गरिने धारणा व्यक्त गर्नुभयो ।

स्वास्थ्य सेवाको पहुँचबाट टाढा रहेका नागरिकलाई सहज स्वास्थ्य सेवा पु¥याउनका लागि मन्त्रालयले कार्ययोजना निर्माण गरेर अगाडि बढ्ने बताउँदै उहाँले प्रदेश नं ६ का नागरिकले सहजरुपमा स्वास्थ्य सेवा पाउन थप सहयोगका लागि आफूले केन्द्रीय सरकारसँग पहल गर्ने जानकारी दिनुभयो ।

मन्त्री रावलले नेपाल सरकारले निःशुल्क रुपमा दिँदै आएको औषधि पनि दुर्गमका नागरिकले नपाएकोमा दुःख व्यक्त गर्दै प्रदेश सरकारले यहाँका नागरिकका लागि अब पर्याप्त मात्रामा औषधि उपलब्ध गराउन पहल गर्ने बताउनुभयो ।

दुर्गमका अस्पतालमा भएका उपकरण पनि प्रयोगविहीन अवस्थामा रहेको छ, त्यसैले अब अत्याधुनिक प्रविधिका उपकरण उपलब्ध गराउन आफू लागिपर्ने प्रतिवद्धता उहाँले व्यक्त गर्नुभयो । रासस

Related News

Comments are closed

TOP NEWSview all

KMC to build 100-bed special hospital

Nepal’s proposal to graduate from LDC status to be presented in UNGA for endorsement

World Bank to provide US $ 60 million to strengthen Nepal’s higher education

32,500 metric ton Urea arrives in Nepal

Writ petition filed in Supreme Court against reshuffle of cabinet




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter