नौलिन स्पोर्ट भिल्लामा ब्याडमिन्टन तथा सफ्ट टेनिसका नयाँ कोर्ट थप
काठमाडौँ, वैशाख २५ गते । बुढानीलकण्ठ ८ सुन्दरबस्तीस्थित नौलिन स्पोर्ट भिल्लाले ब्याडमिन्टन तथा सफ्ट टेनिसका नयाँ कोर्ट थप गरेको छ ।
मंगलबार बिहान भिल्लाका परिसरमा आयोजित कार्यक्रममा नयाँ ब्याडमिन्टन र सफ्ट टेनिस कोर्टको संयुक्त रुपमा उद्घाटन भएको छ ।
बुढानीलकण्ठ नगरपालिकामा मेयर उद्धव खरेल, नेपाल सफ्ट टेनिस संघका अध्यक्ष विनयविक्रम शाह, नेपाल ब्याडमिन्टन संघका अध्यक्ष रामजीबहादुर श्रेष्ठ र बुढानीलकण्ठ वडा नम्बर ८ का वडाध्यक्ष सुमन तामाडले संयुक्त रुपमा गरेका छन् ।
कार्यक्रममा मेयर खरेलले सार्वजनिक निजी साझेदारी(पिपिपी मोडल)अनुसार खेलकुदलाई सञ्चलान गर्ने तयारीमा नगरपालिका रहेको बताए ।
सबै वडामा एक एक वटा खेलकुद पूर्वाधार निर्माण गर्ने गरी नगरपालिकाले योजना गरिरहेका बताए ।
सो कार्यक्रममा भिल्लाका प्रवन्ध निर्देशक किशोर थापाले लन टेनिसबाट शुरु भएको यात्रा सफ्ट र ब्याडमिन्टनमा आइपुगेको बताए । थापाले चाँडै नै क्रिकेटको एकेडेमी सञ्चालनको तयारीमा भिल्लामा रहेको जानकारी दिए । भिल्लाले मुख्य रुपमा लन टेनिसका कार्यक्रम सञ्चालन गर्दैै आएको छ । यसैबीच स्पोट्स भिल्लाले आफ्नै वेबसाइट पनि तयार पारेको छ । धधध।लबगष्लिकउयचतकखष्ििब।अयm मा गएर भिल्लाले सञ्चालन गर्दै आएको कार्यक्रमको जानकारी लिन सकिने छ ।