प्रथम नौलिन जेआईटी जुनियर टेनिस च्याम्पियनशीप असोज २३ देखि २७ गतेसम्म
काठमाडौँ, असोज २१ गते । सबैका लागि टेनिस (टेनिस फर एभ्रिवान) नाराका साथ स्थापना भएको नौलिन स्पोट्र्स भिल्लाले प्रथम नौलिन जेआईटी जुनियर टेनिस च्याम्पियनशीप, २०१८ सञ्चालन गर्न लागेको छ ।
नेपाल टेनिस संघको सहकार्य, जुनियर टेनिस इनिसिएटिभ(जेटिआई)को संयोजनमा प्रतियोगिता सञ्चालन हुन लागेको हो । प्रतियोगिताका खेलहरु जित्ने प्रत्येक खेलाडीले निश्चित अंक प्राप्त गर्ने छन् । टेनिस संघको वार्षिक क्यालेन्डरमा यस प्रतियोगितालाई समावेश गरिएको संस्थाका प्रवन्ध निर्देशक किशोर थापाले बताउनु भयो ।
भिल्ला स्थापना भएको एक वर्षभित्रै आयोजना गर्न लागेको प्रतियोगिताप्रति विश्वास व्यक्त गर्नुभएकोमा संघसहित सबै प्रति आभार व्यक्त गर्दछु ।, उहाँले भन्नुभयो ।
प्रतियोगिताका खेलहरु २०७५ असोज २३ देखि २७ गतेसम्म पाँच दिन सञ्चालन हुने छ । च्याम्पियनशीपमा पाँच उमेर समूहका ८३ खेलाडी सहभागी हुनेछन् । प्रतियोगितामा काठमाडौं, ललितपुर, भक्तपुर, कास्की(पोखरा)का खेलाडीहरुको सहभागिता छ । प्रतियोगितामा १४ वर्ष वा सो भन्दा कम उमेरका खेलाडीको सहभागिता रहने छ । ब्वाइ र गर्ल क्याटोगरीमा यु ८, यु ९, यु १०, यु १२ सिंगल र यु १४ को सिंगल तथा डबलका गरि १ सय ३६ वटा खेलहरु हुने छन् । खेलहरु बुढानीलकण्ठ ८ सुन्दरबस्तीस्थित नौलिन स्पोट्र्स भिल्लाका कोर्टहरुमा सञ्चालन हुने छ ।
पछिल्लो केही वर्षदेखि उमेर समूहका अन्तर्राष्टिय टेनिस प्रतियोगिताहरुमा सहभागी हुने नेपाली खेलाडीको संख्या निकै बढेको छ । तर आन्तरिक प्रतियोगिताहरु कम रहेको विषयलाई ध्यान दिँदै प्रतियोगिता सञ्चालन गर्न लागेको हौं, उहाँले भन्नुभयो ।
साथै खेल पत्रकाहरु स्पोट्र्स भिल्लाले आफ्नो सबै सेवाहरुमा ५० प्रतिशत छुट दिन व्यवस्था गरेको पत्रकार सम्मेलनमार्फत जानकारी गराइयो ।