फस्ट नौलिन जेटिआई जुनियर टेनिस च्याम्पियनशीप शुरु
काठमाडौ, असोज २३ गते । फस्ट नौलिन जेटिआई जुनियर टेनिस च्याम्पियनशीप मगलबार बुढानीलकण्ठमा शुरु भएको छ । नौलिन स्पोर्टस भिल्लाले आयोजना गरेको प्रतियोगतामा देशभरबाट ८३ खेलाडीको सहभागिता रहेको छ ।
पाँच दिने प्रतियोगिताको पहिलो दिन अन्डर १४, अन्डर १२, अन्डर ९ अन्तर्गतका १२ खेल भएका छन् । जसमा अन्डर १४ गल्समा श्रीस्ता राई, निमिशा ढकाल, अन्डर १२ मा गल्समा निमिशा ढकाल, मार्सा महर्जन, आध्या पौडेल विजयी भएका छन् ।
त्यसैगरी अन्डर ९ गल्समा कर्मिस्ता श्रेष्ठ, सम्राज्ञी लामा, नाला मास्के, समृद्धि महर्जन, शैली ढकाल, अन्डर ९ ब्वाइजमा माइकल एडजोही विजयी भएका छन् । खेलहरु भिल्लाका बुढानीलकण्ठ सुन्दरबस्तीस्थित कोर्टहरुमा सञ्चालन भएका हुन् ।
पाँच दिनसम्म चल्ने प्रतियोगिताको उद्घटना बुढानीलकण्ठ नगरपालिकाका मेयर उद्धव खरेल, नेपाल टेनिस सघका महासचिव मनोहर दार मुल र भिल्लका प्रबन्ध निर्देशक किशोर थापाले संयुक्त रुपमा गरेका थिए । पाँच उमेर समूह अन्डर ८, अन्डर ९, अन्डर १०, अन्डर १२ को ब्वाइज तथा गल्सको सिगल तथा अन्डर १४ मा ब्वाइज तथा गल्स क्याटोगरीमा सिलग तथा डबलका खेलहरु हुने छन् ।
प्रतियोगितामा प्रत्येक जीतसँग खेलाडीले निश्चित अंक प्राप्त गर्ने छन् । जुन टेनिस संघले जारी गर्ने वरियता निर्धारणमा प्रयोग हुने छ । प्रतियोगताको संयोजन जुनियर टेनिस इनिसिभिट(जेटिआइ)ले गरेको छ ।