डेनमार्कमा नेपाली संस्कृति झल्कने कार्यक्रम
काठमाडौं, जेठ १६ गते गणतन्त्र तथा सगरमाथा दिवसको अवसरमा डेनमार्कको वाकिङ्गस्ट्रिटमा बुधबार पन्चेबाजा, लाखे नाच सहित विभिन्न नेपाली सांस्कृतिक कार्यक्रमहरूको आयोजना गरियो ।
कोपनहेगनस्थित नेपाली राजदूतावास नेपाल पर्यटन वोर्ड तथा डेनमार्कस्थित विभिन्न संघसंस्थाहरूको सहयोग र सहकार्यमा सो सांस्कृतिक कार्यक्रमहरुको आयोजना गरिएको थियो ।
ऊक्त कार्यत्रममा कोपन हेगनसिथ्त कूटनीतिक नियोगका पदाधिकारी, सरकारी तथा विभिन्न संघ संस्थाका पदाधिकारी र डेनमार्कमा बसोवास गर्ने नेपाली स्थानीय जनसमुदायको उपस्थिति तथा सहभागिता रहेको थियो ।
सो कार्यक्रममा स्वागत मन्तब्य डेनमार्कका लागि नेपाली राजदूत युवनाथ लम्सालले आर्थिक विकासमा नेपालले दिएको प्राथमिकता, नेपालमा लगानी र पर्यटन अवसर सम्बन्धमा प्रकाश पार्नुभएको दूतावासले जनाउको छ ।
कार्यक्रममा राजदूत लम्सालले गत साल पनि वाकिङ्गस्ट्रिटमा यस्तै कार्यक्रम गरिएको र ऊक्त कार्यत्रमलाई हरेक बर्ष नियमित पर्वको रुपमा गरिने कुरा बताउनुभयो ।
कार्यक्रममा नेपालका विभिन्न संस्कृति र भौगोलिक प्रतिनिनित्व हुने गरी पन्चे बाजा तथा लाखे, झागड, शेर्फा, तामाङ्ग, मारुनी, कुमारी, लोक नृत्यहरू सहितका कार्यक्रमहरु गरिएको थियो ।