कर्णाली प्रतिष्ठानमा एमडिजिपी पढाई हुने

नेत्र शाही/ जुम्ला ,जेठ १७ गते । कर्णाली स्वास्थ्य विज्ञान प्रतिष्ठान शिक्षण अस्पताल जु्म्लामा एमडिजिपी पढाईका लागि बाटो खुलेको छ ।

नेपाल मेडिकल काउन्सिलले आईतबार प्रतिष्ठानमा एमडिजिपी पढाई गर्न निर्णय गरेको प्रतिष्ठानका रजिष्ट्रार काफ्लेले जानकारी दिनुभयो । उहाँका अनुसार अव एमडिजिपी पढाई हुने बाटो खुलेपछि चाडै काम अगाडि बढाईनेछ । चाडै एमडिजिपीको लागि आवश्यक पूर्वाधार समेत तयारी भईरहेको उहाँले बताउनुभयो । यसका लागि मेडिकल काउसिन्लले विज्ञ टोली जुम्ला पठाएर सिट निर्धारण गर्ने प्रतिष्ठानले जनाएको छ ।

प्रतिष्ठानले अब एमबिबिएस अध्ययनको समेत पहल थालिरहेको छ । प्रतिष्ठानले प्रधानमन्त्री केपी शर्मा ओली उपस्थित गराइ छैटौ सिनेट बैठक र पूर्व प्रधानमन्त्री शेरबहादुर देउवाको पालामा पाँचौ सिनेट बैठकहरुमा समेत एमबिबिएस र एमडिजीपी संचालनका लागि प्रथामिकता दिईएको थियो । यसैगरी भर्खरै उपप्रधान तथा स्वास्थ्य जनसंख्या मन्त्री उपेन्द्र यादवले व्याचलर पब्लिक हेल्थको कक्षा उद्घाटन गर्न आउदा पनि स्थानीय सरोकार अगुवाले प्रथामिकताका साथ एमडिजिपी र एमबिबिएस कार्यक्रम संचालन गर्न माग गरेका थिए । एमबिबिएस उत्तिर्ण गरेकाले मात्रै एमडिजिपी पढ्न पाउने भएको छ ।

भवन भत्काएर पूर्ननिर्माण गरिने

२०७२ सालमा पुस ३ गते राति अज्ञात व्यक्तिबाट आगलागी भएको कर्णाली स्वास्थ्य विज्ञान प्रतिष्ठान शिक्षण अस्पतालको तत्कालिन ओपिडि भवन भत्काईने भएको छ । सो घटनाको अनुसन्धान भईरहेको र आवश्यक अनुसन्धानका तस्बिर सहित सवब प्रमाणहरु संकलन भईसकेको हुदा जलेको भवन भत्काउदा फरक नपर्ने भन्दै जिल्ला प्रहरी कार्यालयले पत्राचार गरेपछि भवन भत्काएर पुर्ननिर्माण गरिने रजिष्टार काफ्लेले जानकारी दिनुभयो ।

भवन भत्काएर पुर्ननिर्माण गरिने विषयमा प्रतिष्ठानमा जिल्ला स्तरीय सर्वदलिय सर्वपक्षीय बैठक समेत गरेर छलफल गरिएको छ ।

जिल्ला समन्वय समितिका प्रमुख सहित जिल्लाका राजनैतिकदल, सरोकारवाला निकायहरुको सहभागितामा सो भवनको विषयमा छलफल गरी प्रहरीको पत्रलाई आधार बनाई भत्काईने सहमति भएको र अस्पतालाई संरचना चाहिने भएकाले आधुनिक भवन निर्माण गरिने प्रतिष्ठानले जनाएको छ ।

जिल्ला प्रहरी कार्यालयका प्रहरी नायव उपरीक्षक सिताराम रिजालले आगलागीको विषयमा अनुसन्धान गर्न केन्द्रीय अनुसन्धान ब्युरो सहित जिल्ला प्रहरी कार्यालयले गरिरहेको र भवन भत्काएर पुर्ननिर्माण गर्न उत्तम हुने भएको बताउनुभयो । यसैगरी नेकपाका प्रदेशसभा सदस्य पूर्णप्रसाद धितालले प्रतिष्ठानमा अब सबै प्रकारका सेवा पाउने गरी पूर्वाधारमा जोड हुनुपर्ने बताउनुभयो । नेपाली कांग्रेसका कोषाध्यक्ष कालिबहादुर बुढाले आन्तरिक सेवा प्रवाहमा गुणस्तरता दिनुपर्ने सुझाव दिनुभयो । विभिन्न राजनैतिक दलका नेताहरुले कर्णाली स्वास्थ्य विज्ञान प्रतिष्ठानको स्तरवृद्धि र सेवा प्रवाह थप गुणस्तरका लागि छलफल गरी अगाडि बढाईनुपर्ने बताउनुभयो ।

४ वर्ष अगाडि ओपिडी भवन आगलागी रु दुई करोड ७४ लाख ४१ हजार ९ सय ९ रुपैयाँ बराबर क्षति पुगेको थियो । यसैगरी प्रतिष्ठानले उच्च शिक्षामा स्टाफनर्स, हेल्थ असिष्टेन्ट, व्याचलर मिडवाफ्री, व्याचलर पब्लिक हेल्थ पछि सबै भन्दा माथिल्लो तहको एमडिजिपी पढाई गर्न सरकारले प्रथामिकता दिएको छ ।

Related News

Comments are closed

TOP NEWSview all

Kami Rita scales Everest 25 times; Tourism Ministry appeals not to disseminate fake information

Humla section of Karnali Corridor built in timeframe

Nepal’s Kushal Bhurtel nominated for ICC Men’s Player of the month award

Nepal climbs a notch up in T-20 ranking and ranked 13th

US pledges $8.5 million to Nepal to fight against COVID-19 pandemic




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter