बुहानमा नेपालीको जीवन रक्षा सुनिश्चित गरिएको छ : चिनियाँ दूताबास

काठमाडौं, माघ १८ गते । चीन सरकारले चीनको बुहान क्षेत्रमा रहेका नेपाली विद्यार्थी लगायत विदेशी नागरिकको जीवन र स्वास्थ्य उपचारको सुनिश्चित गरेको जनाएको छ ।

काठमाडौ स्थिति चिनियाँ दूताबासले शनिबार एक विज्ञप्ति जारी गर्दै चीनले उनीहरूको बैधानिक अधिकार र हित संरक्षण गर्न सक्रिय भूमिका निभाउने स्पष्ट गरेको छ ।

चीनमा कोरोना भाइरसको संक्रमणले २५९ जनाको मृत्यु भएको छ । संक्रमितको संख्या भने दिनैपिच्छै बढ्दै गएको छ । शुक्रबार मध्यरातसम्म कोरोना भाइरसले संक्रमित हुनेको संख्या ११ हजार ७९१ र संदिग्धको संख्या १७ हजार ९८८ पुगेको नेपाल स्थित चिनियाँ दूताबासले जनाएको छ । विश्वका अन्य राष्ट्रमा भने संक्रमितको संख्या भने १०६ पुगेको छ ।

दूताबासले विज्ञप्तिमा चीन सरकारले अन्तर्राष्ट्रिय दायित्व उच्च जिम्मेवारीका साथ बहन गरिरहेको जनाएको छ । जस अन्तगर्त चीनमा रहेका विदेशी नागरिकको स्वास्थ्यमा विशेष ध्यान दिइएको जनाएको छ । चिनियाँ विदेश मन्त्रालयले विदेशी नागरिकको स्वास्थ्य हेरचाह र संक्रमित विदेशी नागरिकसँग समन्वय गर्न संयन्त्र गठन गरेर काम गरिरहेको दूताबासले जारी गरेको विज्ञप्तीमा उल्लेख गरिएको छ ।

विश्व स्वास्थ्य संगठनसँगको समन्वयमा नेपालले कोरोना भाइरस नियन्त्रणका लागि गरिरहेको प्रयासको चीनले सराहना गर्दै थप सहयोगको आवश्यकता परे चिनियाँ दूताबास वा विदेश मन्त्रालयसँग सहकार्य गर्न आग्रह गरेको छ । कोरोना भाइरसको संक्रमणले नेपाल भ्रमण गर्न आउने चिनियाँ नागरिकको संख्यामा कमी आउन सक्ने चीनले जनाएको छ । प्रकोप नियन्त्रणमा आए लगत्तै नेपाल भ्रमण वर्ष २०२० मा योगदान पुर्याउन चीनले आफ्ना नागरिकलाई नेपाल भ्रमण गर्न प्रोत्साहन गर्ने प्रतिबद्धता व्यक्त गरेको छ ।

दूताबासले नियन्त्रण र उन्मूलनका लागि प्रयास जारी रहेको जनाएको छ । चीन सरकारले कोरोना भाइरस संक्रमणको उत्पत्ति स्थान पत्ता लगाएर वुहानमा प्राविधिक निर्देशनहरु उपलब्ध गराएको जनाएको छ । कोरोना उन्मूलन र नियन्त्रणका लागि वुहान मात्रैमा पनि कार्यान्वयन हुनुपर्ने कार्यहरु भइरहेको चिनियाँ अधिकारीहरुले जनाएका छन् । भाइरसलाई अन्य भूभागमा फैल्नबाट रोक्न उपायहरु अपनाइएको दूतबासले जनाएको छ ।

Related News

Comments are closed

TOP NEWSview all

Japan Hands Over the Sanitary Napkin-Making Machine in Parsa

Mayor Shah directs employees to reduce visits, seminars

Veteran singer, musician Bhakta Raj Acharya passes away

Trade deficit of Rs 811 billion in first seven months

WHO congratulates Nepal for legislation to restrict trans-fatty acids in food




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana

Chairperson : Mr. Kishore Thapa


Counter:
Web Counter