हेटौँडामा -यापिड टेस्टमा चार जनामा पोजेटिभ; चैतमा विदेशबाट आएका सबैले -यापिड टेष्ट गर्नुपर्ने
हेटौँडा, वैशाख ४ गते । द्रुत परीक्षण किटको प्रयोग गरी भारत तथा तेस्रो मुलकबाट आएका व्यक्तिहरुमा कोरोना भाइरस (कोभिड–१९) सङ्क्रम परीक्षण सुरु भएसँगै बाग्मती प्रदेशमा १२ जनामा पोजेटिभ देखिएको छ ।
द्रूत परीक्षण किट अर्थात ¥यापिड डाइग्नोष्टिक टेष्ट (आरडीटी) बाट कोरोना भाइरसको एन्टी बढी परीक्षण गर्दा बाग्मती प्रदेशको मकवानपुरमा चार जनासहित १२ जनामा पोजेटिभ रिपोर्ट आएको हो ।
मकवानपुरका हेटौँडा उपमहानगरपालिका क्षेत्रमा बिहीबार आरडीटी किटबाट ४९ परीक्षण गरिएकोमा चार जनाको रिपोर्ट पोजेटिभ भेटिएको छ ।
आरडीटी पोजेटिभ रिपोर्ट आएकाहरुलाई हेटौँडा अस्पतालको आइसोलेसन कक्षमा राखिएको हेटौँडा उपमहानगरपालिकाका स्वास्थ्य संयोजक सुपेन्द्र कार्कीले जानकारी दिनुभयो ।
उहाँले भन्नुभयो, आरडीटी पोजेटिभ रिपोर्ट भेटिएकाहरुको स्वाब सङ्कलन गरिएको छ, पीसीआर विधिबाट कीटजन्य रोग अनुसन्धान तथा तालिम केन्द्रस्थित कोरोना प्रयोगशालामा परीक्षणपछि कोरोना भाइरस लागे नलागेको यकिन हुन्छ ।
हेटौँडा १५ मा नौ जना र हेटौँडा ४ स्थित बासुदेव सभागृहमा ४० जनाको आरडीटी परीक्षण भएको भारत घर भइ हाल हेटौँडा ४ मा बस्दै आएका महिला, भारत गएर फर्किएका हेटौँडा–२ का ६७ वर्षीय पुरुष, भारतबाट फर्किएका हेटौँडा–५ का २४ वर्षीय पुरुष र साउदी अरबबाट फर्किएका ३२ वर्षीय पुरुषमा आरडीटी पोजेटिभ देखिएको हो ।
यस्तै आरडीटीबाट कोरोना भाइरसको एन्टी बढी परीक्षण गर्दा मकवानपुर बाहेक प्रदेशका जिल्लामा आठ जनामा पोजेटिभ रिपोर्ट आएको छ ।
बाग्मती प्रदेशको सामाजिक विकास मन्त्रालयका अनुसार आरडीटीबाट परीक्षण गर्दा बिहीबार थप एक जनामा पोजेटिभ पाइएको छ ।
मन्त्रालयका प्रबक्ता एवं बाग्मती प्रदेश अस्पताल विकास तथा चिकित्सा सेवा निर्देशनालयका निर्देशक डा. पुरुषोत्तमराज सेढाईले ९९४ जनामा आरडीटीबाट जाँच भएकोमा काठमाडौँ जिल्लामा ३१ वर्षीया महिलामा पोजेटिभ देखिएको बताउनुभयो । उहाँले भन्नुभयो, इटालीबाट फर्किएका बुढानिलकण्ठ नगरपालिकाका ती महिलाको पीसीआर विधिबाट परीक्षण हुनेक्रममा रहेको छ ।
कोरोना भाइरसका शङ्कास्पद विरीमीहरुको आरडीटी परीक्षण गर्दा धादिङ, चितवन, काठमाडौँ र काभ्रेपलाञ्चोक जिल्लामा गरी छ जनामा पोजेटिभ पाइएको हो ।
हालसम्म बाग्मती प्रदेशका विभिन्न जिल्लामा गरी आरडीटी परीक्षण दुई हजार २५४ जना गरिएकोमा पोजेटिभ भेटिएका आठ जनामध्ये दुई जनाको स्वाब पीसीआर विधिबाट परीक्षण गर्दा पोजेटिभ पाइएको थियो ।
प्रबक्ता सेढाईले प्रदेशका सबै जिल्लामा गरी विदेशबाट फर्किएका र कोरोना भाइरसका शङ्कास्पद विरामीको जाँच गर्न चार हजार तीन सय द्रुत परीक्षण किट (आरडीटी) पठाइएको छ ।
चैतमा विदेशबाट आएका सबैले -यापिड टेष्ट गर्नुपर्ने
चैत महिनाभित्र विदेशबाट आएका सबैले कोरोना भाइरस (कोभिड–१९) सङ्क्रमण नियन्त्रणका लागि र्यापिट डाइग्नोस्टिक टेस्ट (आरडिटी) गराउनुपर्ने भएको छ । यो टेस्टबाट पोजेटिभ देखिएमा आइसोलेसनमा राखेर आरटि–पीसीआर परीक्षण गराइन्छ ।
यस्तै, कोभिड–१९ को उपचार, निदान, नियन्त्रण अभियानमा खटिएका स्वास्थ्यकर्मी, सुरक्षाकर्मीसहित सबैको आरडिटी परीक्षण गरिने भएको छ ।
स्वास्थ्य आपतकालीन कार्यसञ्चालन केन्द्रका अनुसार, कोभिड–१९ पोजेटिभको सम्पर्कमा आएका, कोरोना भाइरसको लक्षण देखिएका र उनीहरुको सम्पर्कमा आएकाहरुको समेत आरडिटी परीक्षण अनिवार्य गरिने भएको छ । यसअघि कोभिड–१९ सङ्क्रमण रोकथाम तथा नियन्त्रण उच्चस्तरीय समन्वय समितिले १४ दिन क्वारेन्टाइनमा बसेकाहरुको आरडिटी परीक्षण गराएर नेगेटिभ परिणाम आएमा घर पठाइए पनि एक हप्ता सेल्फ क्वारेन्टाइनमा बस्नुपर्ने निर्णय गरेको थियो ।
के हो आरटी–पीसीआर परीक्षण
शरिरमा भाइरस भए नभएको पत्ता लगाउने विधि हो, आरटी–पीसीआर । पीसीआर परीक्षणका विषयमा स्वास्थ्य आपतकालीन कार्यसञ्चालन केन्द्रले जानकारी उपलब्ध गराएको छ । स्वास्थ्य तथा जनसंख्या मन्त्रालयको पेजमा राखिएको जानकारीअनुसार, कोरोनाको भाइरस मानिसको शरिरभित्र थुकको छिटा मार्फत् मुख, नाक वा आँखाबाट प्रवेश गर्छ । त्यसपछि करिव पाँचदेखि सात दिनसम्ममा शरिरमा भाइरसको संख्या बृद्धि भइसक्छ । यो बेला मानिसको घाँटी, नाक वा सासनलीबाट खकारको नमूना लिई आरटी पीसीआर विधिबाट परीक्षण गर्दा भाइरस भए नभएको देखिन्छ ।
यो भाइरस दोस्रो हप्तामा अत्याधिक रुपमा शरिरमा फैलिन्छ । तेस्रो हप्तादेखि विस्तारै कम हुँदै जान्छ । त्यसैले, आरटी पीसीआर विधिले जाँच गर्दा तेस्रो हप्तादेखि भाइरस कम देखिने वा नदेखिन पनि हुनसक्छ । तर शरिरमा भाइरस प्रवेश गरेपछि यो भाइरस बिरुद्धको एन्टिबडी विकास हुन थाल्छ । हालसम्मको अध्ययनअनुसार, भाइरस प्रवेश गरेको सात दिनदेखि आइजी ‘एम’ नामको एन्टिबडी बन्छ । यस्तो आइजीएम करिव एक महिनासम्ममा कम हुँदै जान्छ । करिव १४ दिनदेखि आईजी ‘जी’ नामको एन्टिबडी उत्पादन हुन्छ । जुनचाहिँ केही लामो समयसम्म रहन सक्छ । आइजीएमले सङ्क्रमण भर्खरै भएको सङ्केत गर्छ । आईजीजीले सङ्क्रमण केही पुरानो हो भन्ने बुझाउँछ ।
र्यापिट डाइग्नोस्टिक परीक्षण किन ?
र्यापिड डाइग्नोस्टिक परीक्षण ९आरडिटी०ले पनि कोरोना बिरुद्धको एन्टिबडी देखाउँछ । द्रुत परीक्षण विधिबाट परीक्षण गर्दा पोजेटिभ देखिए कम्तिमा एक हप्ताअघि नै कोरोनाको सङ्क्रमण भएको भन्ने बुझिन्छ । किनभने कोरोनाको एन्टिबडी विकास हुन कम्तिमा एक हप्ता लाग्छ । त्यसैले कारोना सङ्क्रमण भएको सुरुको अवस्थामा ९सङ्क्रमण सुरु भएको एक हप्ताभित्रै० र्यापिड डाइग्नोस्टिक किटबाट जाँच गर्दा नेगेटिभ देखिन सक्छ । त्यसैले कोरोना सङ्क्रमणको सुरुको हप्तामा आरटी पीसीआरबाट र दोस्रो हप्ता कटेपछि र्यापिड डाइग्नोस्टिक कीटबाट परीक्षण गर्दा पोजेटिभ देखिने सम्भावना बढी हुन्छ । साधारणतय, आरडिटीबाट नेगेटिभ आएको तर आरटी–पीसीआर जाँचबाट पोजेटिभ देखिएमा कोरोना सङ्क्रमणको सुरुको अवस्था भन्ने बुझ्नु पर्छ । दुवैमा पोजेटिभ आए कम्तिमा पनि दुई हप्ताअघि सङ्क्रमण भएको भन्ने बुझिन्छ ।
आरटीडीमा पोजेटिभ र आरटी पीसीआरमा नेगेटिभ भए कम्तिमा तीन हप्ता अगाडि कोरोना सङ्क्रमण भएको थियो र यसको बिरुद्धको प्रतिरक्षा गर्ने एन्टिबडी उत्पादन भएको भन्ने बुझिन्छ । आरडिटी विधिबाट परीक्षण गर्दा नेगेटिभ भन्ने वित्तिकै कोरोना सङ्क्रमण छैन भन्न मिल्दैन । आरडिटीबाट परीक्षण गर्दा नेगेटिभ आएको तर निजको कोरोना सङ्क्रमित व्यक्तिसँगको संसर्ग वा सम्पर्क भएको तीन हप्ता कटेको छैन भने एक हप्तापछि पुनः आरटिडी गराउनु पर्छ । त्यस्ता, व्यक्तिहरु जो सङ्क्रमित व्यक्तिको संसर्गमा छन्, उनीहरुलाई आरटी पीसीआर विधिबाट परीक्षण गर्नुपर्छ ।