आज थप तीन संक्रमित फेला परे, कुल संक्रमित ४५ पुग्यो; सेती अस्पतालमा उपचार गराइरहेका अर्का काेराेना संक्रमित डिस्चार्ज
काठमाडौं, वैशाख १० गते । नेपालमा कुल संक्रमित संख्या ४५ पुगेको छ । सो जानकारी स्वास्थ्य तथा जनसंख्या मन्त्रालयले दिएको हो ।
धरानस्थित बीपी कोइराला स्वास्थ्य विज्ञान प्रतिष्ठानमा भएको स्वाब परीक्षणमा आज तीन जनामा कोरोना पोजेटिभ पाइएको मन्त्रालयमा आयोजित पत्रकार सम्मेलनमा डा. विकास देवकोटाले जानकारी गराउनुभयो । अाज संक्रमण पुष्टि भएका २४ ६० र ७२ वर्षीया पुरूष रहेकाे पत्रकार सम्मेलनमा जानकारी गराइयाे ।
सेती अस्पतालमा उपचार गराइरहेका अर्का काेराेना संक्रमित डिस्चार्ज
धनगढी, वैशाख १० गते । सेती प्रादेशिक अस्पतालमा उपचार गराइरहेका अर्का काेराेना संक्रमित अस्पतालबाट डिस्चार्ज हुनुभएकाे छ ।
डिस्चार्ज हुनेमा कन्ञचनपुर बेदकाेटका इन्द्र विक हुनुहुन्छ । उहाँ चैत २ गते कामका लागि भारतको उत्तराखण्ड राज्यको चम्फावत जिल्लाको लुहाघाटबाट १० किलोमिटर सुन्नीगाउँ पुग्नु भएकाे थियाे ।
उहाँ सहितका १३ भारतमा लक डाउन भएपछि नेपाल आउनु भएकाे थियाे । चैत १३ गते उहाँ भारतबाट आएर १४ गते सीमामा पुग्नु भएकाे थियाे ।