थप ५३५ जनामा कोरोना सङ्क्रमण पुष्टि, कुल ९ हजार ५६१ सङ्क्रमित
June 22, 2020 | 8:18 pm
काठमाडौँ, असार ८ गते । देशभर पछिल्लो २४ घन्टामा पाँच सय ३५ जनामा काेराेना संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले सोमबार नियमित मिडिया ब्रिफिङमा हालसम्म कुल संक्रमितको संख्या नाै हजार पाँच सय ६१ पुगेको जानकारी दिए ।
देशभरका २२ वटा प्रयोगशालामा गरिएको परीक्षणमा थप चार सय ६१ पुरुष र ७४ महिलामा संक्रमण पुष्टि भएको गौतमले बताए ।
त्यसैगरी पछिल्लो २४ घन्टामा तीन सय ७० जना निकाे भएर डिस्चार्ज भएका छन् । हालसम्म डिस्चार्ज हुनेको संख्या दुई हजार एक सय ४२ पुगेको छ ।
मन्त्रालयका अनुसार हाल आइसोलेसनमा सात हजार सात सय ८९ र क्वारेन्टाइनमा ९० हजार सात सय ३० जना रहेका छन् ।