थप ७४० सहित सङ्क्रमित संख्या १५ हजार नाघ्याे, काठमाडाैँमा एककाे मृत्यु

काठमाडौँ, असार १९ गते । कोरोना भाइरस (कोभिड–९०) सङ्क्रमितको सङ्ख्या १५ हजार २५९ पुगेको छ । स्वास्थ्य तथा जनसङ्ख्या मन्त्रालयका प्रवक्ता प्रा.डा. जागेश्वर गौतमले पछिल्लो २४ घण्टामा देशभर थप ७४० जनामा कोरोना सङ्क्रमित थपिएको जानकारी दिनुभयो ।

पछिल्लो २४ घण्टामा चार हजार ४८३ वटा नमूना परीक्षण गरिएको छ । क्वारेन्टाइनमा ३५ हजार ४७२ रहेका छन् । आइसोलेसनमा नाै हजार ८४ रहेका छन् ।

डिस्चार्ज हुने दर बढ्दाे

देशभर छ हजार १४३ डिस्चार्ज भएका छन् । देशभरबाट ८२३ जना निकाे भएर घर फर्केका छन् ।

पाँच सयभन्दा बढी सङ्क्रमित हुने जिल्ला

नेपालमा रहेका ७७ वटा जिल्लाहरूमध्ये आठवटा जिल्लामा पाँच सयभन्दा बढी कोरोना भाइरसबाट सङ्क्रमित भएका छन् । त्यसमध्ये प्रदेश २ मा महोत्तरी, रौतहट र सर्लाहीसहित तीन जिल्ला, प्रदेश ५ मा कपिलवस्तु, पाल्पा र दाङसहित तीन जिल्ला रहेका छन् ।

यस्तै, कर्णाली प्रदेशमा दैलेख र सुदूरपश्चिम प्रदेशमा कैलाली जिल्लामा पनि भाइरसका कारण पाँच सयभन्दा बढी सङ्क्रमित रहेका छन् ।

परीक्षणकाे दायरा फराकिलाे हुने

स्वास्थ्य मन्त्रालयका अनुसार कोरोना भाइरसबाट अत्यधिक जोखिममा रहेकालाई ध्यान दिने बताइएको छ । त्यसमा क्यान्सर र मधुमेहका बिरामी, आइसीयु र इमरजेन्सीमा आउने बिरामी, पकेट क्षेत्रका बासिन्दा र स्वास्थ्यकर्मीहरूको परीक्षण गरिने कुरा उहाँले बताउनुभयो ।

यस्तै, क्वारेन्टाइनमा रहेका सङ्क्रमितहरूको रोग प्रतिरोधात्मक शक्ति बढाउनको लागि आयुर्वेदिक औषधीहरू वितरण गरिनेछ ।

थप एकको मृत्यु
कोरोना भाइरसका कारणले काठमाडौँमा थप एक जनाको निधन भएको छ । नयाँ बानेश्वरमा बस्ने ८५ वर्षीय एक पुरुषको भाइरसका कारणले निधन भएको पत्रकार सम्मेलनमा प्राडा गौतमले जानकारी दिनुभयो ।

पार्किङ्सन्स रोगबाट पीडित पुरुषकाे छाती दुखेपछि राजधानीको एक निजी अस्पतातमा उपचारको क्रममा मृत्यु भएको हो ।

हिजो बिहीबारमात्र राजधानीकै एक अस्पतालमा एक ४९ दिनका नवजात शिशुको कोरोनाको कारणले मृत्यु भएको थियो । आज मृत्यु घोषित पुरुषसहित नेपालमा कोरोना लागेर मृत्यु हुनेको सङ्ख्या ३२ पुगेको छ ।

Related News

Comments are closed

TOP NEWSview all

Efforts are underway to send US vaccines to Nepal: Ambassador Khatiwada

Govt. to resume Vaccination Campaign from May 16

CAAN asks not to charge high fare in name of Emergency Flight

NRNA to supply Oxygen Concentrators to Nepal

Kami Rita scales Everest 25 times; Tourism Ministry appeals not to disseminate fake information




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter