रोयल सासा फर्मास्युटिकल्सद्वारा औषधि उत्पादन सुरु


काठमाडौं, असार १९ गते । रोयल सासा फर्मास्युटिकल्सले चितवनमा औषधि उत्पादन सुरु गरेको छ । पश्चिम चितवनको भूवन वस्तीमा स्थापित करिब ५० करोड रुपैयाँको लागतमा स्थापित कम्पनीले २४ प्रकारका औषधि उत्पादन गर्नेछ ।

रोयल सासाका कार्यकारी निर्देशक अर्जुन पौडेलका अनुसार कम्पनीले वार्षिक १५ करोड ट्याबलेट, ५० लाख क्याप्सुल, ५० लाख ट्युब मलम, ६० लाख पुरिया जीवनजल र २५ लाख बोतल ड्राई सिरप उत्पादन गर्नेछ । कम्पनीले बिहीबारदेखि केही औषधिको परीक्षण उत्पादन सुरु गरेको छ । कम्पनीले एन्टिबायोटिक औषधिलाई उत्पानको मुख्य लक्ष्य राखेको छ । उत्पादनमा अत्याधुनिक प्रविधिको मेसिन जडान गरिएको छ ।

कम्पनीका अनुसार ६ महिनाको परीक्षणपछि व्यावसायिक उत्पादन सुरु गर्नेछ । कम्पनीले नाक कान घाँटी, मधुमेह, मुटु रोग, सुइजन्य र आँखा रोगका समेत औषधि उत्पादन गर्ने निर्देशक पौडेलले बताए। दुई वर्षभित्र विश्व स्वास्थ्य संगठनको गुणस्तर मापदण्डको जीएपी प्रमाणीकरण पाउने गरी काम गर्ने पौडेलको दाबी छ । गुणस्तरलाई सबैभन्दा बढी लक्षित गरिएको प्राविधिक कन्सल्ट्यान्ट राजेन्द्र चौधरीले बताए ।

Related News

Comments are closed

TOP NEWSview all

KMC to build 100-bed special hospital

Nepal’s proposal to graduate from LDC status to be presented in UNGA for endorsement

World Bank to provide US $ 60 million to strengthen Nepal’s higher education

32,500 metric ton Urea arrives in Nepal

Writ petition filed in Supreme Court against reshuffle of cabinet




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter