उपत्यकामा २३ सहित थप २५५ सङ्क्रमित, कुल १६ हजार ४२३

उपेश महर्जन / काठमाडौँ, असार २४ गते । पछिल्लो २४ घण्टामा २५५ जनामा कोरोना सङ्क्रमित पुष्टि भएकाे छ । योसँगै कुल सङ्क्रमित १६ हजार ४२३ पुगेको स्वास्थ्य तथा जनसङ्ख्या मन्त्रालयको नियमित पत्रकार सम्मेलनमा मन्त्रालयका प्रवक्ता प्राडा जागेश्वर गौतमले जानकारी दिनुभएको हो ।

पछिल्लो २४ घण्टामा चारहजार ६९६ पीसीआर परीक्षण भएकाे छ । क्वारेन्टाइनमा २४ हजार ४०, आइसोलेसनमा आठ हजार ६३६ रहेका छन् ।

डिस्चार्ज

आज २५३ जना निको भएर डिस्चार्ज हुनुभएको छ । योसँगै सातहजार ७५२ पुगेको छ । याे ४७.२ प्रतिशत भन्दा बढी सङ्क्रमित स्वास्थ्य लाभपछि घरमा डिस्चार्ज भएका छन्।

उपत्यकामा सङ्क्रमित

यस्तै, आज काठमाडौँ उपत्यकामा सङ्क्रमित सङ्ख्या २३ पुगेको छ । काठमाडौँमा १६ जना र ललितपुरमा ७ जना सङ्क्रमित भएका छन् ।

हिजाे मंगलबार उपत्यकामा २८ जना सङ्क्रमित पुष्टि भएकाे थियाे । साेमबार उपत्यकामा ५४ र आइतबार ३० जनामा भाइरस सरेकाे थियाे ।

पाँचसय भन्दा बढी उपचाररत छ जिल्ला

महाेत्तरी, राैतहट, पाल्पा ,अछाम, कैलाली र बाजुरा जिल्लामा पाँचसय भन्दा बढी उपचाररत रहेकाे उहाँले जानकारी दिनुभयाे ।

सङ्क्रमणमुक्त पाँचवटा जिल्ला

धनकुटा, भोजपुर , सोलुखम्बु, हुम्ला र मुस्तागं जिल्ला कोरोना सङ्क्रमणमुक्त जिल्ला भएको घोषणा भएको छ ।

भेदभाव गर्ने व्यक्तिलाई कार्वाही

सङ्क्रमणमुक्त भएका जोकोहीलाई भेदभाव गरिए भेदभाव गर्ने व्यक्तिलाई कानुनतः कार्वाही हुने उहाँले बताउनुभएको छ ।

अस्पताल, आइसोलेसन र क्वारेन्टाइनबाट सङक्रमणमुक्त भएर घर गएकालाई भेदभाव भएको, घरमा बस्न नदिएको खबर आएको बताउँदै प्रवक्ता प्राडा गौतमले ठिक भइसकेपछि स्वागत गर्दै घरमा बस्ने वातावरण बनाउनुपर्छ, भन्नुभयो ।

Related News

Comments are closed

TOP NEWSview all

KMC to build 100-bed special hospital

Nepal’s proposal to graduate from LDC status to be presented in UNGA for endorsement

World Bank to provide US $ 60 million to strengthen Nepal’s higher education

32,500 metric ton Urea arrives in Nepal

Writ petition filed in Supreme Court against reshuffle of cabinet




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter