महालेखाले राष्ट्रपतिलाई बुझायो ५७औँ वार्षिक प्रतिवेदन : मुलुकको बेरुजु ६ खर्ब ६४ अर्ब

काठमाडौँ, असार ३१ गते । महालेखा परीक्षकको कार्यालयले आर्थिक वर्ष ०७५/७६ को लेखापरीक्षण प्रतिवेदन राष्ट्रपतिलाई बुझाएको छ । बुधबार राष्ट्रपति कार्यालयमा आयोजित एक कार्यक्रमबीच महालेखापरीक्षक टंकमणि शर्मा दंगालले कार्यालयले तयार गरेको ५७औँ वार्षिक प्रतिवेदन, २०७६ राष्ट्रपति विद्यादेवी भण्डारीसमक्ष पेस गरेका हुन् ।

लेखापरीक्षण प्रतिवेदनअनुसार आव ०७५/७६ सम्ममा मुलुकको कुल बेरुजु ६ खर्ब ६४ अर्ब ४४ करोड पुगेको छ । संघ, प्रदेश र स्थानीय तह तथा संगठित संस्था, समिति र अन्य संस्था, जिल्ला समन्वय समितिलगायतको गरी कार्यालयले ६१ खर्ब २२ अर्ब ४९ करोडको लेखापरीक्षण गरेको थियो ।

अघिल्लो आवमा ६ खर्ब ८३ अर्ब ६६ करोड पुगेकाेमा यस वर्ष कुल बेरुजु २.८१ प्रतिशतले घटेको छ । विगतको बेरुजु फर्स्याेटमा देखाइएको तदारुकता, राजस्व बक्यौता समायोजन एवं असुली, शाेधभर्नाको प्राप्तिमा भएको सुधारलगायतका कारण गत वर्षको तुलनामा बेरुजु घटेको कार्यालयले जनाएको छ ।

लामो लकडाउनबीच करिब ३ महिना ढिलो गरी कार्यालयले अघिल्लो आर्थिक वर्षको लेखापरीक्षण प्रतिवेदन तयार गरेको हो । प्रत्येक चैतमा अघिल्लो आर्थिक वर्षको लेखापरीक्षण प्रतिवेदन बुझाउने परम्परा रहे पनि कोरोना संक्रमणबीच लामो लकडाउनका कारण उक्त कार्यतालिका प्रभावित भएको हो ।

संघीय सरकारी निकाय (३,११०) र ७७ जिल्ला समन्वय समिति

लेखापरीक्षण अंक – १७ खर्ब ५६ अर्ब ४ करोड

बेरुजु – ७१ अर्ब ६ करोड

प्रदेश (९९८) कार्यालय

लेखापरीक्षण अंक – एक खर्ब ८९ अर्ब २५ करोड

बेरुजु – आठ अर्ब २० करोड

स्थानीय तह (७४७)

लेखापरीक्षण अंक – सात खर्ब ४० अर्ब ६५ करोड

बेरुजु – ३८ अर्ब १३ करोड

Related News

Comments are closed

TOP NEWSview all

KMC to build 100-bed special hospital

Nepal’s proposal to graduate from LDC status to be presented in UNGA for endorsement

World Bank to provide US $ 60 million to strengthen Nepal’s higher education

32,500 metric ton Urea arrives in Nepal

Writ petition filed in Supreme Court against reshuffle of cabinet




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter