लक्ष्यअनुसार काम गर्न निर्देशन

काठमाडौँ, साउन १४ गते । अर्थ र सञ्चार तथा सूचना प्रविधिमन्त्री डा. युवराज खतिवडाले कार्य सम्पादनलाई आधार बनाएर चौमासिक लक्ष्यअनुसार काम गर्न निर्देशन दिनुभएको छ । उहाँले मन्त्रालयमा मङ्गलबार आयोजित मन्त्रालयस्तरीय विकास समस्या समाधान समितिको बैठक तथा वार्षिक प्रगति समीक्षा एवं कार्य सम्पादन सम्झौता कार्यक्रममा यस्तो निर्देशन दिनुभएको हो ।

प्रवक्ता डा. खतिवडाले ‘पछि गरौँला’ भन्ने बानीले समेत नतिज(ामा पछाडि परिने चर्चा गर्दै थप्नुभयो, “कार्य सम्पादन सम्झौता औपचारिकता मात्र होइन, व्यक्तिगत पनि होइन, संस्थागत सम्झौता हो । मन्त्री, सचिव फेरिए पनि सम्झौता फेरिन्न । चौमासिक कार्ययोजनाअनुसार काम गरौँ ।”

सरकारी खर्च र आम्दानी व्यवस्थापनमा एकीकृत वितरण प्रणाली आवश्यक रहेकोमा जोड दिँदै उहाँले लामो समयदेखि परिवर्तन नभएका गैरकरका दरलाई पुनरवलोकन गर्नुपर्ने बताउनुभयो । विधि नपु¥याई गरिएका जति राम्रो काम पनि विवादित बन्नसक्ने भएकाले त्यसतर्फ सचेत रहँदै बेरुजू घटाउनेतर्फ ध्यान दिन मातहत निकायलाई उहाँले निर्देशन दिनुभयो । निरन्तर सम्पर्क, समन्वयले कतिपय काम छिटो गराउन सकिनेतर्फ ध्यान दिन आग्रह गर्दै उहाँले त्यसका लागि सहयोग गर्न मन्त्रालय तयार रहेको बताउनुभयो ।

उहाँले सञ्चालक समितिले मन्त्रालयसँग छलफल गरी कार्य अगाडि बढाएमा अन्तरनिकाय विवाद नआउनेमा सबैलाई सचेत गराउनुभयो । जवाफदेहिता सहितको स्वायत्तताको पक्षमा आपूm रहेको चर्चा गर्दै उहाँले भन्नुभयो, “स्वायत्तता भित्रको अराजकता स्वीकार्न सकिन्न । यसले समस्या निम्त्याउँछ र लक्षित उद्देश्य प्राप्त गर्न सकिन्न ।” डिजिटल नेपाल फ्रेमवर्कअनुसार निजी तथा सरकारी सेवा, बैङ्क, वित्तीय कारोबारलगायत धेरै आर्थिक कारोबार विद्युतीय प्रणालीमार्फत गरिने भएकाले ‘साइबर सेक्युरिटी’मा काम गर्नुपर्ने उहाँले बताउनुभयो ।

वार्षिक समीक्षा बैठकमा सञ्चार तथा सूचना प्रविधि मन्त्रालयका सचिव हरिप्रसाद बस्यालले बेरुजू फस्र्योटको अवस्था चित्तबुझ्दो नरहेको बताउनुभयो । निर्धारित लक्ष्य प्राप्तिका लागि संस्थागत समन्वय अत्यन्त आवश्यक रहेको चर्चा गर्दै उहाँले प्रत्येक महिना कार्य मूल्याङ्कन गरिनुपर्ने बताउनुभयो ।

आगामी वर्ष ५० प्रतिशत बेरुजू फस्र्योट गर्न निर्देशन दिँदै उहाँले त्यसका लागि मन्त्रालयले सहयोग गर्ने वचन दिनुभयो । राष्ट्रिय योजना आयोगका सहसचिव डा. किरण रुपाखेतीले डिजिटल नेपाल फ्रेमवर्कमा मन्त्रालयले धेरै काम गर्नुपर्नेमा जोड दिनुभयो । कार्यक्रममा मन्त्रालय मातहतका प्राधिकरण, विभाग, संस्थान गरी १७ निकायले वार्षिक प्रगति समीक्षा प्रतिवेदन पेस गरेका थिए ।

सो अवसरमा मन्त्री डा. खतिवडाले सचिव बस्याललाई कार्य सम्पादन सम्झौता गराउनुभएको थियो । यसैगरी सचिव बस्यालले मातहत १७ निकायका प्रमुखलाई कार्य सम्पादन सम्झौता गराउनुभएको थियो ।

Related News

Comments are closed

TOP NEWSview all

KMC to build 100-bed special hospital

Nepal’s proposal to graduate from LDC status to be presented in UNGA for endorsement

World Bank to provide US $ 60 million to strengthen Nepal’s higher education

32,500 metric ton Urea arrives in Nepal

Writ petition filed in Supreme Court against reshuffle of cabinet




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter