च्याउको बीउ बेचेर लखपति !

जनार्जन खत्री / सर्लाही, फागुन १८ गते । सर्लाहीको बागमती नगरपालिका–१०, शङ्करपुरका ध्रुवप्रसाद चौलागाईंले च्याउको बीउ बिक्री गरेर मनग्य आम्दानी गरिरहनुभएको छ ।

तीन वर्षदेखि व्यवसायिक रुपमा च्याउ खेती गर्दै आउनुभएका उहाँले गत वर्षदेखि बीउ उत्पादन गरेर बेच्न थाल्नुभएको हो । आफूले अहिले दैनिक २५० ग्रामको एक हजार प्याकेट बीउ उत्पादन गरिरहेको चौलागाईंले बताउनुभयो ।

उहाँले उत्पादन गरेको च्याउको बीउ लिन यसअघि हेटौँडा, काठमाडौंजस्ता ठाउँमा धाउनु पथ्र्यो । अहिले भने यहीँ उत्पादन भएपछि यस क्षेत्रका व्यवसायिक रुपमा च्याउखेती गर्ने किसानलाई सजिलो भएको छ ।

पाँचपटक विदेश गएर फर्किनु भएका चौलागार्इंले करिब ५० लाख रुपियाँमा च्याउको बीउ उत्पादन गर्ने उपकरण किन्नुभएको छ । स्थानीय बजारमा अहिले च्याउको माग अत्यधिक रहेकाले च्याउ र बीउ दुवै बिक्री गर्न बजारको समस्या नभएको उहाँले बताउनुभयो ।

चौलागाईंले प्रतिप्याकेट ४० रुपियाँमा स्थानीय किसानसँगै सिन्धुली, रौतहट र महोत्तरीका किसान तथा कृषि ज्ञान केन्द्र सर्लाहीलगायत देशका विभिन्न ठाउँमा बीउ बिक्री गर्नुहुन्छ । उत्पादन भएको बीउ तुरुन्त बिक्री हुन्छ ।

च्याउ खेती र बीउ उत्पादन गर्न उहाँकी श्रीमतीको पनि सहयोग छ भने स्थानीय तीन जनालाई रोजगारी समेत मिलेको छ । यही व्यवसायको कमाईबाट चारकठ्ठा जग्गा खरिद गरेको चौलागाईंले बताउनुभयो । खर्च कटाएर मासिक एक लाख रुपियाँ माथि आम्दानी गरिरहेको उहाँले बताउनुभयो ।

२०७४ सालदेखि व्यवसायिक च्याउ खेती सुरु गर्नुभएका चौलागाईंले एक हजार पाँच सय पोका राख्न सक्ने क्षमताको टनेल र घरको तल्लो तलामा एक हजार पोका च्याउ खेती गरिरहनु भएको छ । बेमौसमी च्याउ खेतीका लागि घरको दुईवटा कोठालाई चिसो बनाइराख्न एयर कन्डिसनसमेत जडान गरेको चौलागाईंले बताउनुभयो ।

Related News

Comments are closed

TOP NEWSview all

Kami Rita scales Everest 25 times; Tourism Ministry appeals not to disseminate fake information

Humla section of Karnali Corridor built in timeframe

Nepal’s Kushal Bhurtel nominated for ICC Men’s Player of the month award

Nepal climbs a notch up in T-20 ranking and ranked 13th

US pledges $8.5 million to Nepal to fight against COVID-19 pandemic




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter