थप एक हजार ९०२ सङ्क्रमित, एक हजार ८०८ कोरोनामुक्त, १६ को मृत्यु
August 30, 2021 | 9:00 pm
काठमाडौं, भदौ १४ गते । पछिल्लो २४ घण्टामा एक हजार ९०२ जनामा कोरोना सङ्क्रमण पुष्टि भएको छ । ११ हजार ८९२ वटा आरटीपीसीआर परीक्षणमा सो सङ्ख्यामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
यस्तै, चार हजार ३९१ जनाकाे एन्टिजेन विधिबाट परीक्षण गर्दा ३९३ जनामा सङ्क्रमण पुष्टि भएकाे छ ।
पछिल्लो २४ घण्टामा थपिएका सङ्क्रमितसँगै नेपालमा कोरोनाका कुल सङ्क्रमित सात लाख ६१ हजार १२४ पुगेको छ ।
पछिल्लो २४ घण्टामा एक हजार ८०८ जना कोरोनामुक्त भएका छन् । हालसम्म सात लाख १४ हजार ५२० जना निको भएका छन् ।
स्वास्थ्य मन्त्रालयका अनुसार नेपालमा हालसम्म १० हजार ७३० जना कोरोना सङ्क्रमितको मृत्यु भइसकेको छ । पछिल्लो २४ घण्टामा थप १६ जनाको मृत्यु भएको छ ।
३५ हजार ८७४ जना सक्रिया सङ्क्रमित छन् ।