कोरोनाबीच पनि आरोहणप्रति चासो बढ्यो, १५७ जनाले मनास्लु आरोहण गर्ने
काठमाडौं, भदौ २२ गते । जोखिमपूर्ण आरोहण मध्येमा पर्ने मनास्लु हिमाल (८१८३ मिटर) आरोहणका लागि १५७ जना विदेशी आरोहीले पर्यटन विभागबाट अनुमती लिएका छन् ।
हिउँद मौसममा आरोहण हुने यस हिमालमा कोरोना महामारीकै बीचमा पनि ठूलो संख्यामा आरोहण हुने भएको विभागको तथ्याङक छ । १५ आरोहणदलबाट ३३ जना महिला र १२४ जना विदेशी आरोहीले मनास्लु हिमाल आरोहण सोमबारसम्म अनुमती लिई सकेको विभागका महानिर्दैशक रुद्र सिं तामाङले जानकारी दिनुभयो । वातावरणीय हिसावले बर्षामा भन्दा हिउँदमा सहज हुने भएकाले मनास्लुमा आरोहीहरु आउने गरेको आरोहण गाइड लाक्पा शेर्पाले बताउनुभयो ।
कञ्चनजङ्घा पनि आरोहण हुने
मनास्लु हिमालसँगै दुई पुरुष र एक महिला गरी तीन जनाले विश्वको दोस्रो अग्लो हिमाल कञ्चनजङ्घा आरोहणका लागि अनुमती लिएका छन् । महामारीसँगै संक्रमण न्युन हुन थालेपछि विदेशी आरोहीहरु धमाधम हिमाल आरोहणका लागि आउन थालेको महानिर्देशक तामाङले जानकारी दिनुभयो ।
कोरोना भाईरस(कोभिड–१९) महामारीकै बीचमा भए पनि यस वर्ष सगरमाथा आरोहणमा हालसम्मकै सबै भन्दा धेरै करिव ३७६ जना आरोहीले अनुमती लिएको विभागको तथ्याङक छ । सरकारले हिमाल आरोहण र पदयात्राका लागि १२ महिना सम्भव रहेको भन्दै हिउँद र अफसिजनको समयमा राजश्व छुट सहितको सहुलियत दिदै आएको छ ।