२४ घण्टामा २३७ सङ्क्रमित थपिए, एक जनाको मृत्यु

काठमाडौं, पुस ९ गते । पछिल्लो २४ घण्टामा २३७ जना कोरोना भाइरसका सङ्क्रमित थपिएका छन् । आठ हजार ६० जनामा पीसीआर परीक्षण गरिएकोमा २३७ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

त्यस्तै, तीन हजार ८३८ जनाको एन्टिजेन परीक्षण गर्दा २३ जनामा कोरोना सङ्क्रमण देखिएको छ । स्वास्थ्य मन्त्रालयले नेपालमा कोरोना सङ्क्रमणमुक्त हुने दर ९८ प्रतिशत रहेको जनाएको छ ।

पछिल्लो २४ घण्टामा ३४९ जना कोरोनामुक्त भएको स्वास्थ्य मन्त्रालयले जनाएको छ । यसैगरी सोही अवधिमा एक जना सङ्क्रमितको मृत्यु भएको स्वास्थ्य मन्त्रालयले जनाएको छ । योसँगै नेपालमा कोरोनाबाट मृत्यु हुनेको सङ्ख्या ११ हजार ५८२ पुगेको छ ।

यसैगरी देशभर हालसम्म पाँच हजार ४८ जना सक्रिय सङ्क्रमित रहेको स्वास्थ्य मन्त्रालयले जनाएको छ ।