२४ घण्टामा पाँच हजार ५९८ संक्रमित थपिए : चार जनाको मृत्यु
January 23, 2022 | 10:14 pm
काठमाडौं, माघ ९ गते । पछिल्लो २४ घण्टामा १३ हजार ३७७ जनाको पीसीआर परीक्षण गर्दा पाँच हजार ५९८ जनामा कोरोना संक्रमण पुष्टि भएको छ । त्यसैगरी चार हजार ६० जनाको एन्टिजेन परीक्षण गर्दा ८६४ जनामा संक्रमण पुष्टि भएको छ ।
स्वास्थ्य तथा जनसंख्या मन्त्रालयका सह–प्रवक्ता डा. समीरकुमार अधिकारीका अनुसार कुल १७ हजार ४३७ जनाको परीक्षण गर्दा ६ हजार ४६२ जनामा कोरोना पुष्टि भएको हाे ।
आइतबार मन्त्रालयले गरेको प्रेस ब्रिफिङमा बोल्दै अधिकारीले २४ घण्टामा एक हजार ४१६ जना डिस्चार्ज हुँदा चार जनाको मृत्यु भएको जानकारी दिनुभयाे ।
उपत्यकामा मात्र तीन हजार ८ सय ७१ जनामा कोरोना संक्रमण पुष्टि भएको छ । सह–प्रवक्ता अधिकारीका अनुसार काठमाडौंमा २८ सय ६८, ललितपुरमा ६०२ र भक्तपुरमा ३२१ गरेर ३८ सय ७१ जनामा संक्रमण पुष्टि भएको हो ।