२४ घण्टामा एक हजार १३ कोरोना संक्रमित थपिए : १२ जनाको मृत्यु
February 10, 2022 | 8:48 pm
काठमाडौं, माघ २७ गते । पछिल्लो २४ घण्टामा एक हजार १३ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ८ हजार ८८० जनाको पीसीआर परीक्षण गर्दा एक हजार १३ जनामा संक्रमण पुष्टि भएको हो । त्यसैगरी तीन हजारको एन्टीजेन परीक्षण गर्दा ३५६ जनामा संक्रमण पुष्टि भएको छ ।
मन्त्रालयका अनुसार २४ घण्टामा २२ सय ३८ जना निको हुँदा १२ जनाको कोरोनाले मृत्यु भएको छ । अहिले देशभर २९ हजार चार जना सक्रिय संक्रमित रहेका छन् ।