पोखराको सेती नदी जलयात्राका लागि उपयुक्त, विश्वका उत्कृष्ठ दशमा पर्न सफल
पोखरा ।
प्राकृतिक र पर्यटकीय दृष्टिकोणले रमणीय पोखरा क्षेत्र मनोरञ्जनका दृष्टिकोणले समेत भरिपूर्ण बन्दै गएको छ । आन्तरिक तथा बाह्य पर्यटकका लागि प्रमुख पर्यटकीय गन्तव्य बनेको पोखरा हरेक कोणबाट सबैको आकर्षणको केन्द्रविन्दु बनेको छ ।
धेरै रमणीय पोखराको नजिक रहेको सेती नदीमा गरिने साहसिक जलयात्रा अपर सेती पर्यटकका लागि उपयुक्त र थप आकर्षक बन्दै गएको छ । जलयात्राका लागि विश्वको दसौं स्थानभित्र पर्ने सेती जलयात्रा पर्यटकको रोजाइको नदी बनेको छ । पोखरादेखि नजिक भएकाले पनि छोटो समयमा धेरै मनोरञ्जन लिन सकिने नदीका रुपमा पर्यटकहरुले सेती नदीलाई लिँदै आएका छन् । तीन घण्टाभित्रमा जलयात्रा गरिसकिने भएकाले पनि छोटो समयका लागि पोखरा आउने पर्यटकको पहिलो रोजाइ बन्ने गरेको छ ।
अपर सेती नदीमा वर्षमा ५ महिनासम्म र््याफटिङ गर्न सकिने र््याफ्टिङ एसोसिएसन (नारा) ले जानकारी दिएको छ । ४ ग्रेडभन्दा माथिको पानीको बहाव भएकाले पनि अपर सेतीा ¥याफटिङका लागि विश्वको उत्कृष्ट दसौं स्थानमा पर्न सफल भएको नाराले जनाएको छ । नेपालमा सेती, काली, मस्र्याङ्दी, त्रिशूली, तमोर, सुनकोसी, कर्णाली लगायतका नदीलाई सरकारले जलयात्राका लागि खुल्ला गरेको छ ।
पछिल्लो समयमा जलविद्युत् गृहहरु निर्माणको क्रम बढ्दै गएपछि कतिपय नदीहरुमा अपेक्षा गरे अनुरुप जलयात्रा हुन नसकेको बताइएको छ । सेती नदी र मर्दी खोलाको दोभानबाट करिब ८ किलोमिटर दूरीको याम्दीसम्म सेती नदीमा र््याफ्टिङको यात्रा हुने गर्दछ । नेपालमा आउने पर्यटकमध्ये २५ प्रतिशतले सेतिमा र््याफ्टिङ गर्ने गरेको छन् । पछिल्लो समय पोखरामा जलयात्राका लागि पर्यटकको आकर्षण बढ्दै गएपछि ¥याफ्टिङ व्यवसाय पनि थप आकर्षको केन्द्र भई यसमा संलग्न व्यावसायीहरु पनि बढ्न थालेका छन् । पोखरामा मात्र १२ वटा भन्दा बढि जलयात्रासम्बन्धी कम्पनी कार्यरत छन भने देशभर १ सयभन्दा र्याफ्टिङ व्यवसायी रहेका छन् । पोखराको सेती नदीमा र््याफ्टिङ गदै हिमाल हेर्दै आन्तरिक तथा बाह्य पर्यटक रमाउने गरेका छन् ।
