बनेपा, २६ मङ्सिर । व्यावसायिकरुपमा किबीको खेती हुन थालेपछि काभ्रेपलाञ्चोकमा किबीको बिरुवाको माग बढ्न थालेको छ ।

करिव एक हजार ५०० मात्रै बिरुवा उत्पादन हुने नर्सरीमा अहिले झण्डै १० हजार किबीको बिरुवाको नर्सरी गरिएको र त्यसबाट चार हजार बिरुवाको बिक्री वितरण भएको बुद्ध फलपूmल नर्सरी, नासिकास्थानका सञ्चालक शम्भु घिसिङ्ले जानकारी दिनुभयो ।

उहाँले अहिले यसको खेतीको विस्तार भएकाले इलाम, ओखलढुङ्गा, रामेछाप, दोलखा, सिन्धुपाल्चोक, रसुवालगायतका जिल्लामा समेत किबीको बिरुवा निर्यात भएको उल्लेख गर्दै यसको उत्पादन चराले नखाने र अन्य फलपूmलजस्तो नबिग्रने कारणले कृषकको आर्कषण वढेको बताउनुभयो ।

गुणस्तरिय उत्पादन भएन भन्ने गुनासोले गर्दा विदेश निर्यात भएको छैन तर यसको उत्पादन बढ्दै गएको छ उहाँले भन्नुभयो ।

विसं ०५८ सालमा जापानी प्रविधि र मूल बीउ भित्र्याएर किबीको नर्सरी भइरहेको जानकारी दिँदै घिसिङ्ले बिरुवाबाट उल्लेख्य आम्दानी भइरहेको बताउनुभयो ।

नेपालभर जुनसुकै नर्सरीमा पनि जुन किबीको बिरुवा छ त्यसको मूल बिरुवा बुद्ध फलपूmल नर्सरीबाट नै वितरण भएको बताउँदै सञ्चालक घिसिङ्ले अहिले एउटा किबीको बिरुवाको मूल्य रु. २५० रहेको जानकारी दिनुभयो ।

उहाँले करिव तीन रोपनी जमिन क्षेत्रफलमा त्यसको नर्सरी गर्नुभएको छ । यसलाई लगाउने मौसम पुस र माघ नै हो । झण्डै तीन वर्षको अवधिमा किबीको उत्पादन लिन सकिन्छ ।

प्रोटिनयुक्त किबीको बजार मूल्य प्रतिकिलोग्राम रु. ३०० देखि ३५० सम्म रहेको छ । त्यसबाट वाइन, सर्बतलगायतका खाद्य पदार्थसमेत उत्पादन हुने गर्छ । रासस