डा रामप्रसाद ज्ञवालीको ‘हिँडी रहूँ हिँडी रहूँ ’ विमोचित
काठमाडौँ, २७ चैत । साहित्कार डा रामप्रसाद ज्ञवालीको यात्राकाव्य ‘हिँडी रहूँ हिँडी रहूँ’ आज विमोचन गरिएको छ ।
राजधानीमा भानु प्रतिष्ठानद्वारा आयोजित एक कार्यक्रममा सिर्जनशील साहित्य लेखन मञ्च सिक्किमका अध्यक्ष टीका गुरुङ र प्रतिष्ठानका अध्यक्ष प्रा डा व्रतराज आचार्यले संयुक्त रुपमा कृतिको विमोचन गर्नुभयो ।
साहित्यकार तथा नेकपा (एमाले)का नेता प्रदीप ज्ञवालीले साहित्यका लोकतन्त्र र अभिव्यक्ति स्वतन्त्रताका पक्षमा डा ज्ञवालीका रचनाले विशेष योगदान पु¥याएको उल्लेख गर्नुभयो ।
उहाँले भन्नुभयो – “आजको साहित्य यात्रा र जिन्दगीलाई जोडेर उज्यालोतर्फ अगाडि बढ्नुपर्छ ।”
उहाँले नेपाल र भारत सीमामा विभाजित भए पनि साहित्यिक पक्षले एक बनाएको चर्चा गर्नुभयो ।
सिर्जनशील साहित्य लेखन समाजका अध्यक्ष टीका गुरुङले आदिकवि भानुभक्तको द्विशताब्दीको अवसरमा दुई मुलुकमा रहेका नेपालीले मिलेर काव्य रचना गरी उहाँप्रतिको सम्मान हुने विचार राख्नुभयो ।
साहित्यकार तथा समालोचक प्रा हेमचन्द्र नेपालले डा ज्ञवालीको यात्राकाव्य अँध्यारोलाई चिर्दै समाजमा उज्यालो छर्नमा केन्द्रित रहेको बताउनुभयो ।
लेखक डा रामप्रसाद ज्ञवालीले अबको काव्य लेखन आत्मसन्तुष्टिका लागि मात्र नलेखी समाज परिवर्तनका लागि लेखिनुपर्ने बताउनुभयो ।
सो कृति सिर्जनशील साहित्य लेखन मञ्च जोरथाङ सिक्किमले प्रकाशन गरेको हो । रासस
