युनिभर्सल तथा न्यु समिट कलेजमा रक्तदान कार्यक्रम सम्पन्न
January 7, 2019 | 9:23 pm
काठमाडौँ, पुस २३ गते । काठमाडौँको शान्तिनगरमा रहेको युनिभर्सल तथा न्यु समिट कलेजमा आज रक्तदान कार्यक्रम सम्पन्न भएको छ ।
उक्त रक्तदान कार्यक्रमको आयोजना युनिभर्शल तथा न्यु समिट कलेजको कम्युनिटी क्लबले गरेको हो । आज बिहान ९ बजे देखि गर्ने भनिएको कार्यक्रम पानी परेका कारण १ घण्टा पर सरेको थियो । कार्यक्रम कलेजको सभाहलमा भएको छ ।नेपाल रेडक्रस सोसाइटी बालकुमारीको सहभागितामा रक्तदान कार्यक्रम सम्पन्न भएको हो । कार्यक्रममा जम्मा ८४ जनाले रगत दिएका थिए । जसमध्ये ६० जना पुरुष थिए भने २४ जना महिला थिए ।
सोही कार्यक्रममै काठमाडौँ लायन्स क्लबले निस्शुल्क आँखा जाँच पनि गरेको छ । निस्शुल्क आँखा जाँच सेवामा ५८ जना लाभान्वित भएको युनिभर्सल कलेजका डिरेक्टर राजु टण्डनले जानकारी दिए ।