एआइजी सिंहलाई दर्ज्यानी चिन्ह प्रदान
January 22, 2020 | 9:21 pm
काठमाडौँ, माघ ८ गते । प्राविधिक प्रहरी अतिरिक्त महानिरीक्षकमा पदोन्नती भएकी डा.आशा सिंहलाई दर्ज्यानी चिन्ह प्रदान गरिएको छ ।
प्रहरी महानिरीक्षक सर्वेन्द्र खनालले सिंहलाई बुधबार प्रहरी प्रधान कार्यालयमा आयोजित एक समारोहबीच दर्ज्यानी चिन्ह प्रदान गरेका हुन् ।
नेपाल सरकार, गृह मन्त्रालय मन्त्रिपरिषदको गत ६ माघको निर्णय अनुसार प्राविधिक प्रहरी नायव महानिरीक्षकबाट डा. सिंह प्राविधिक प्रहरी अतिरिक्त महानिरीक्षकमा पदोन्नती भएकी थिइन् ।
गृहसचिव प्रेमकुमार राई नेतृत्वको बढुवा सिफारिस समितिले सिंहलाई एआइजी बढुवामा सिफारिस गरेको थियो । जुनियर डिआइजीलाई सिफारिस गरेको भन्दै अर्का डिआइजी डा. मिनराज पाठकले उजुरी गरेका थिए ।