नेपालमा कोरोनाबाट संक्रमित संख्या ४५३; ४९ जना निको भए

काठमाडौँ, जेठ ८ गते । नेपालमा कोरोना भाइरस संक्रमणबाट तेस्रो व्यक्तिको मृत्यु भएको छ । रुपन्देहीको क्रिमसन अस्पतालमा उपचाररत गुल्मीका ४१ वर्षीय पुरुषको बिहीबार मृत्यु भएको स्वास्थ्य तथा जनसंख्या मन्त्रालयमा आयोजित पत्रकार सम्मेलनमा प्रवक्ता डा. विकास देवकोटाले जानकारी दिए ।

यसअघि कोरोना संक्रमित सिन्धुपाल्चोककी एक महिला र बाँकेका एक युवकको मृत्यु भएको थियो ।

उनका अनुसार पछिल्लोपटक नौजना संक्रमित थपिएका छन् । झापाका १७, १८, १८, २०, २०, २३, ५२ र ५५ वर्षीय पुरुष र रुपन्देहीका २७ वर्षीय पुरुषमा कोरोना संक्रमण पुष्टि भएको हो ।

यसअघि बिहीबार बिहान झापाका १८ देखि ४६ वर्षका १५ जना पुरुष, धनकुटाका ३४ वर्षीय पुरुष र सुनसरीकी ५१ वर्षीया महिलामा कोरोना संक्रमण पुष्टि भएको थियो ।

पछिल्ला संक्रमितसहित नेपालमा कोरोना संक्रमितको संख्या चार सय ५३ पुगेको छ ।

४९ जना निको भए

टेकुमा उपचाररत चारजना कोरोना संक्रमित बिहीबार निको भएर घर फर्किएका छन् । प्रवक्ता देवकोटाका अनुसार २३ र २५ वर्षीया महिला तथा २७ र ३७ वर्षीय पुरुष नवाैँ दिनमा डिस्चार्ज भएका हुन् । योसँगै नेपालमा उपचारपछि निको भएर घर फर्किने संक्रमितको संख्या ४९ पुगेको छ ।

मन्त्रालयका अनुसार पछिल्लो २४ घन्टामा पिसिआर विधिबाट मात्रै तीन हजार चार सय १४ जनाको नमुना परीक्षण भएको छ । यस्तै आरडिटी विधिबाट तीन हजार ६ सय २३ जनाको परीक्षण भएको छ । अहिलेसम्म पिसिआर विधिबाट ३८ हजार सात सय ३६ जनाको नमुना परीक्षण गरिएको देवकोटाले जानकारी दिए । आरडिटी विधिबाट भने ७८ हजार ६ सय ९५ जनाको नमुना परीक्षण गरिएको छ ।

Related News

Comments are closed

TOP NEWSview all

KMC to build 100-bed special hospital

Nepal’s proposal to graduate from LDC status to be presented in UNGA for endorsement

World Bank to provide US $ 60 million to strengthen Nepal’s higher education

32,500 metric ton Urea arrives in Nepal

Writ petition filed in Supreme Court against reshuffle of cabinet




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana Chairperson : Mr. Kishore Thapa


Counter:
Web Counter