एक हजार ९८० जना सङ्क्रमित थपिए, तीन हजार ४३ जना निको
काठमाडौं, मङ्सिर ८ गते । नेपालमा कोरोना भाइरसका एक हजार ९८० जना सङ्क्रमित थपिएका छन् । थपिएका सङ्क्रमितसँगै नेपालमा कुल सङ्क्रमितको संख्या दुई लाख २२ हजार २८८ पुगेको छ । यो सँगै सक्रिय सङ्क्रमित संख्या १८ हजार ८८४ रहेका छन् । दश हजार ३८१ आरटी पीसीआर परीक्षणमा सो संख्यामा संक्रमित थपिएका हुन् ।
स्वास्थ्य तथा जनसंख्या मन्त्रालयले कोभिड–१९ सम्बन्धी विवरण अद्यावधिकमा तीन हजार ४३ जना निको भएका जानकारी छ ।
निको हुनेको संख्या दुई लाख दुई हजार ६७ जना रहेको बताउनुभयो । नेपालमा अहिले कोरोना संक्रमणमुक्त हुने दर ९०.९० प्रतिशत पुगेको छ ।
मन्त्रालयका अनुसार पछिल्लो चौबीस घण्टामा नेपालमा थप १६ जनाको मृत्यु भएको छ । हालसम्म कोरोनाबाट मृत्यु हुनेको संख्या एक हजार ३३७ पुगेको छ ।
काठमाडौं उपत्यकामा एक हजार सातमा सङ्क्रमणको पुष्टि
काठमाडौं उपत्यकामा कोरोनाका एक हजार सात सङ्क्रमित थपिएका छन् । देशभरि पछिल्लो चौबीस घण्टामा एक हजार ९८० जना सङ्क्रमित थपिएका छन् । चौबीस घण्टामा दश हजार ३८१ जनाको आरटीपीसीआर परीक्षण गरिएको मन्त्रालयले जनाएको छ ।
स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा उपत्यकाका तीन जिल्लामा एक हजार सात जनामा सङ्क्रमणको पुष्टि भएको हो । मन्त्रालयले कोभिड–१९ सम्बन्धी दैनिक विवरण अद्यावधिक गर्दै पछिल्लो चौबीस घण्टामा उपत्यकाका तीन जिल्लामा ४५४ महिला र ५५३ पुरुषमा सङ्क्रमणको पुष्टि भएको जनाएको छ ।
हाल काठमाडौंमा आठ हजार ६६७ जना सक्रिय सङ्क्रमित रहेका छन् । काठमाडौंमा ७४ हजार ८३२ जना निको भएका छन् । ३२६ जना सङ्क्रमितको मृत्यु भएको छ । ललितपुरमा एक हजार ४९८ जनामा भाइरसको सङ्क्रमण सक्रिय रहेको छ । दश हजार ७९९ जना निको भएका छन् । ९० जनाको मृत्यु भएको छ ।
भक्तपुरमा हाल ६२८ जनामा भाइरसको सङ्क्रमण सक्रिय हुँदा छ हजार ८१० जना निको भएका छन् । ८५ जनाको मृत्यु भएको छ ।