एक हजार ६१४ थपिए, सक्रिय सङ्क्रमित १६ हजार ७९३
काठमाडौं, मङ्सिर ११ गते । नेपालमा कोरोनाभाइरसका एक हजार ६१४ जना सङ्क्रमित थपिएका छन् । थपिएका सङ्क्रमितसँगै नेपालमा कुल सङ्क्रमितको संख्या दुई लाख २७ हजार ६४० पुगेको छ ।
स्वास्थ्य तथा जनसंख्या मन्त्रालयले कोभिड–१९ सम्बन्धी विवरण अद्यावधिक गर्दै पछिल्लो चौबीस घण्टामा नौ हजार ४९१ जनाको आरटीपीसीआर परीक्षण गरिएकोमा एक हजार ६१४ जनामा सङ्क्रमणको पुष्टि भएको उल्लेख गरेको छ । हाल १६ हजार ७९३ जनामा भाइरसको सङ्क्रमण सक्रिय रहेको छ । हालसम्म १७ लाख जनाको परीक्षण गरिएको छ ।
मन्त्रालयका अनुसार पछिल्लो चौबीस घण्टामा एक हजार ४३७ जना सङ्क्रमित निको भएका छन् । हालसम्म दुई लाख नौ हजार ४३५ जना सङ्क्रमित निको भइसकेका छन् । मन्त्रालयले पछिल्लो चौबीस घण्टामा २३ जना सङ्क्रमितको मृत्यु भएको छ । हालसम्म नेपालमा कोरोना सङ्क्रमणबाट एक हजार ४१२ जनाको मृत्यु भएको मन्त्रालयले जनाएको छ । मन्त्रालयले हाल ६८० जना क्वारेन्टिनमा रहेको जनाएको छ ।
काठमाडौं उपत्यकामा ७८५ मा सङ्क्रमणको पुष्टि
काठमाडौं उपत्यकामा कोरोना भाइरसका ७८५ जना सङ्क्रमित थपिएका छन् । पछिल्लो चौबीस घण्टामा उपत्यकाका तीन जिल्लामा ७८५ जना नयाँ सङ्क्रमित पुष्टि भएको छ ।
स्वास्थ्य तथा जनसंख्या मन्त्रलायले कोभिड–१९ सम्बन्धी विवरण अद्यावधिक गर्दै चौबीस घण्टामा उपत्यकाका तीन जिल्लामा ३३७ महिला र ४४८ पुरुषमा सङ्क्रमणको पुष्टि भएको जनाएको छ । पछिल्लो चौबीस घण्टामा नौ हजार ४९१ जनाको आरटीपीसीआर परीक्षण गरिएको छ । देशैभरि एक हजार ६१४ जना नयाँ सङ्क्रमित पहिचान गरिएका छन् । पछिल्लो चौबीस घण्टामा एक हजार ४३७ जना निको भएर घर फर्केका छन् ।
मन्त्रालयका अनुसार काठमाडौंमा हाल सात हजार ६४४ जनामा भाइरसको सङ्क्रमण सक्रिय रहेकोमा ७७ हजार ७८९ जना निको भएका छन् । हालसम्म काठमाडौंमा ३३९ जना सङ्क्रमितको मृत्यु भएको छ । ललितपुरमा एक हजार ४९४ जनामा भाइरसको सङ्क्रमण सक्रिय रहेकोमा ११ हजार २१४ जना निको भएको र ९६ जना सङ्क्रमितको मृत्यु भएको छ । भक्तपुरमा हाल ५८९ जनामा भाइरसको सङ्क्रमण सक्रिय रहेको छ । ८९ जनाको मृत्यु भएको छ भने सात हजार ४८ जना हालसम्म निको भएका छन् ।