दुई दिनमा सात चेलीको उद्दार
भीमदत्तनगर, ७ माघ । माइती नेपाल कञ्चनपुरले दुई दिनमा पश्चिम नाका गड्डाचौकीबाट सात चेलीहरुको उद्दार गरेको छ ।
मङ्गलबार पाँचजना र बुधबार दुईजना गरी सातजना युवतीको उद्दार गरेको माइती नेपाल कञ्चनपुरका संयोजक महेश्वरी भट्टले जानकारी दिनुभयो ।
उद्दार गरिएकाहरुमा कञ्चनपुरका दुईजना, काठमाडौँंका एक, दाङ एक, कैलाली एक, म्याग्दी एक र चितवनका एकजना युवती रहेका छन् । उनीहरु विभिन्न बहाना बनाएर भारतलगायत तेस्रो मुलुक गइरहेको माइती नेपालले बताएको छ ।
माइती नेपालले चितवन र कैलालीका युवतीलाई आफन्तको जिम्मा लगाएको छ भने बाँकी पाँचजनालाई अनुसन्धानका लागि माइती नेपालको संरक्षणमा राखेको छ । ‘म्याग्दी र काठमाडाँैका युवतीसित हामीले तीनजना युवालाई समेत पक्राउ गरी जिल्ला प्रहरी कार्यालयको जिम्मा लगाएका छौँं ।’ संयोजक भट्टले भन्नुभयो–‘युवा पनि युवती बेचबिखनमा लागिरहेको घटना प्रवृतिले देखाएको छ ।’ सबै युवती १७ देखि २६ वर्ष उमेर समूहका रहेका छन् ।
‘पश्चिमी नाका मानव बेचबिखनको केन्द्रविन्दु बनिसक्यो,’ उहाँले भन्नुभयो–‘सीमामा उद्दार गरेर मात्रै यसको रोकथाम हुँदैन, यसमा सरकार पनि गम्भीर हुनु आवश्यक छ,’ उहाँले भन्नुभयो । रासस
