दाङ, ९ माघ । त्रिपुर नगरपालिका–४ स्यानी गाउँका स्थानीय बासिन्दाले उखुखेतीबाट लाखौँको आम्दानी गरेका छन् ।

उखु खेतीबाट गाउँका सबैजसो किसानले राम्रो आम्दानी समेत लिएको बताउँछन् । उनीहरुले आफनो बारीमा लगाउने उखु खेतीबाट आएको आम्दानीबाट आत्मनिर्भर हँुदै आएको किसानको भनाइ छ ।

किसानले अन्यखेती नहुने स्थानमा उखुखेती गदै आएको बताउँछन् । उक्त स्थानमा रहेका करिब ४५ घरपरिवारले आ–आफनो बारीमा उखुखेती गर्ने गरेका छन् । स्थानीय कृषक रामबहादुर थारुका अनुसार गाउँका सबै मानिस उखुखेती गर्ने गरेका छन् ।

थारुका अनुसार कम खर्च थोरै मेहेनत र थोरै लगानीमा पनि उखुखेती हुने भएकाले पनि कृषक उखुखेती तर्फ आकर्षित भएका छन् । उनीहरुले उत्पादन गरेको उखुलाई जिल्लाका विभिन्न स्थानमा लगेर बिक्री गर्ने गरिएका छ ।

खासगरी जिल्लामा विभिन्न स्थानमा चार्ड पर्वको अवसरमा लाग्ने मेला महोत्सवमा उखु बिक्री गरिने गरिन्छ ।
उखु बिक्रीबाट गतवर्ष मात्र रु तीन लाख आम्दानी गरेको उहाँको भनाइ छ । मल, सिँचाइ कम लाग्ने र एक पटक लगाए दुई÷तीन वर्षसम्म लगाउनु नपर्ने योखेती सहज भएको उहाँको भनाइ छ ।

त्यो व्यवसायबाट आफनो घरखर्च, छोराछोरी पढाउने गरेको उहाँको भनाइ छ । त्यस्तै सोही ठाउँका विक्रम चौधरीले पनि उखुखेतीबाट राम्रो आम्दानी हुने गरेको बताउनुभयो ।

‘सानो रकमबाट सुरु गरेर राम्रो आम्दानी गर्ने सकिने भएको छ उखु खेतीबाट चौधरीले भन्नुभयो ।’ उहाँका अनुसार सानो रकम र उखु नगदेबाली भएकोले राम्रो आम्दानी लिन सकिने गर्छ । चौधरीले अहिले आम्दानी पनि राम्रै भएको र आम्दानीबाट आफनो घरपरिवारको खर्च चलेको बताउनुभयो । रासस