सरकारले एकीकृत व्यापार रणनीति ल्याएको छ–वाणिज्यमन्त्री
March 30, 2016 | 8:52 pm
काठमाडौँ, १७ चैत । वाणिज्यमन्त्री दीपक बोहराले सार्वजनिक निजी साझेदारीका आयोजनाका प्रस्ताव ल्याउन उद्योगीलाई आग्रह गर्नुभएको छ ।
नेपाल उद्योग परीसङ्घले आज यहाँ आयोजना गरेको छलफल कार्यक्रममा मन्त्री बोहराले सार्वजनिक निजी साझेदारीबाट काम गर्दा छिटो हुनुका साथै सबैमा अपनत्वको भावना विकास हुने बताउनुभयो ।
उहाँले नेपालको बढ्दो व्यापार घाटा चिन्ताको विषय भएको बताउँदै नेपालमा उत्पादित वस्तुको निर्यातलाई बढाउन आवश्यक रहेकामा जोड दिनुभयो ।
उहाँले सरकारले एकीकृत व्यापार रणनीति २०७२ ल्याएको जानकारी दिँदै यसले व्यापार क्षेत्रमा देखिएका कठिनाइ समाधान गर्न सहयोग पुग्ने विश्वास व्यक्त गर्नुभयो । रासस
