नेपाल गणित समाजको ३८ आंै वार्षिकोत्सव सम्पन्न

जेठ १ । नेपाल गणित समाजको आफ्नो ३८ औं वार्षिकोत्सव भव्यतापूर्वक सम्पन्न भएको छ ।
त्रिभुवन विश्वविद्यालय गणित विभागमा जेठ १ गते आयोजना गरिएको सो कार्यक्रममा यस वर्ष गणित विषयमा विद्यावारिधि प्राप्त गरेका ६ जना युवा वैज्ञानिकहरुलाई मायाको चिनोसमेत प्रदान गरिएको छ । मायाको चिनो प्रदान गरिनेहरुमा डा. सरस्वती आचार्य, डा. उर्मिला प्याकुरेल, डा. गोकुल के.सी., डा. कान्छाभाइ मानन्धर, डा. उमेश राजोपाध्याय र डा. राजुराम थापा रहेका छन् ।
उक्त ६ मध्ये डा. आचार्य र डा. प्याकुरेल नेपालमै गणित विषयमा विद्यावारिधि हासिल गर्ने महिलाहरुमा उल्लेखनीय रहेको समाजका उपाध्यक्ष प्रा. डा. नारायण प्रसाद पहारीले बताएका छन् ।
त्रिभुवन विश्वविद्यालयका शिक्षाध्यक्ष प्रा. डा. सुधा त्रिपाठीद्वारा उद्घाटन गरिएको सो कार्यक्रममा गणित क्षेत्रमा लामो समयदेखि प्राध्यापन सहित उल्लेखनीय सेवा पु¥याउने प्रा.डा. भानुचन्द्र बज्राचार्य र प्रा.डा. शान्ती बज्राचार्यलाई समेत कदर–पत्र सहित सम्मान गरिएको थियो । प्रा. डा. शान्ती बज्राचार्य भने नेपालमा गणित विषयमा पहिलो महिला प्रोफेसर हुन् ।
समाजका अध्यक्ष प्रा.डा. टंकनाथ धमलाको सभापतित्वमा सम्पन्न उक्त सभामा बोल्दै सभापति प्रा.डा. धमलाले समाजका वर्तमान र भावी कार्यक्रममा माथि प्रकाश पारेका थिए । प्रा.डा. धमलाले स्वदेश तथा विदेशका विभिन्न प्राज्ञिक सस्ंथासँग सहकार्य गरी नेपालमा गणित विषयलाई अझ सशक्त, जीवनोपयोगी र सर्वव्यापी बनाउनु नै संस्थाको मूल उद्देश्य रहेको बताएका थिए ।
विश्वविद्यालयका भावी शैक्षिक कार्यक्रमहरु प्रकाश पार्दै प्रमुख अतिथि प्रा. डा. त्रिपाठीले नेपालका गणितिज्ञहरु निकै ऊर्जाशील रहेकोमा भनी प्रशंसा गरेकी थिइन् ।
कार्यक्रममा गणित केन्द्रीय विभागका प्रमुख प्रा.डा. केदारनाथ उप्रेती, विज्ञान संकायका डिन डा. चिरीक शोभा ताम्राकार र नास्टका सदस्य तथा समाजका पूर्व अध्यक्ष प्रा.डा. राममान श्रेष्ठहरुले शुभकामना मन्तव्य दिएका थिए ।
करिब २०० सहभागीका बिचमा सम्पन्न सो कार्यक्रमको दोस्रो सत्रको साइन्टिफिक सेसन -Scientific Session) मा दुईवटा साइन्टिफिक टक -Scientific Talks) समेत प्रस्तुत हँदा सभा अत्यन्तै रोचक भएको थियो ।
प्रा.डा. पुष्पराज अधिकारीद्वार सभापतित्व गरिएको दोस्रो सत्रमा ऐम्ब्री रिडल विश्वविद्यालय, संयुक्त राज्य अमेरिकाका प्रा.डा. हरिहर खनाल र काठमाडांै विश्वविद्यालयका प्रा.डा. कन्हैया झाले गणित विषयमाथि दुई भिन्ना भिन्नै पेपर प्रस्तुत गरेका थिए ।
अहिले देशभर ५३० आजीवन सदस्यहरु रहेको सो समाज ३९ वर्ष अघि गठन भएको समाजका केन्द्रीय सदस्य जीवन काफ्लेले बताए ।