मानवाधिकार चलचित्र महोत्सवमा ‘जोगिमाराका जिउँदाहरु’ देखि ‘रक्ताम्य गह्राहरु’सम्म

HR Film Festivalकाठमाडौँ, २८ जेठ । चौथो नेपाल मानवाधिकार चलचित्र महोत्सव जावलाखेलस्थित नेपाल प्रशासनिक प्रशिक्षण प्रतिष्ठानमा आजदेखि सुरु भएको छ ।

मानवअधिकार चलचित्र केन्द्रको आयोजनामा तीन दिनसम्म चल्ने महोत्सवमा मानिसले सम्मानपूर्वक, समान व्यवहार पाएर बाँच्नुपर्छ भन्ने मान्यता बोकेर बनाएका १३ देशका ३२ चलचित्र देखाइनेछ । नेपालसहित भारत बङ्गलादेश, पाकिस्तान, अमेरिका, इजरायल, इरान, अस्ट्रेलिया, कम्बोडियालगायत देशका चलचित्र छन् ।

महोत्सवमा पाँच नेपालीसहित २५ चलचित्र प्रतिस्पर्धाका लागि उत्रिनेछन् । नेपाली चलचित्रमा मोहन मैनालीको ‘जोगिमाराका जिउँदाहरु’, ध्रुव बस्नेतको ‘रक्ताम्य गह्राहरु’ आदि प्रदर्शन हुनेछन् । आज पहिलो दिन निर्देशक मनोज पण्डितको चलचित्र ‘छायाँ’ पहिलो सार्वजनिक प्रदर्शन गरिनुका साथै ओस्कार अवार्ड विजेता पाकिस्तानी वृत्तचित्र ‘अ गर्ल इन द रिभर’को विशेष प्रदर्शन गरियो ।

महोत्सवको उद्घाटन गर्दै राष्ट्रिय मानवअधिकार आयोगका अध्यक्ष अनुपराज शर्माले व्यक्तिको बाँच्न पाउने अधिकार संरक्षण गर्न र सामाजिक परिवर्तनको अभियान चलाउन यस्ता चलचित्र महोत्सवले सघाउ पु¥याउने बताउनुभयो ।

आयोजक केन्द्रका अध्यक्ष चिरञ्जीवी कर्ण विआरीले व्यावसायिक चलचित्रले मात्रै मानवअधिकारको आवाज बुलन्द गर्न नसकेको परिप्रेक्ष्यमा वैकल्पिक चलचित्रका रुपमा यस्ताखाले चलचित्र प्रदर्शनमा ल्याएको बताउनुभयो । रासस

Related News

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*
Advertise Section 7

TOP NEWSview all

Trip Down under

We want real conversion of our students beyond religion: Fr. Boniface Tigga, Regional Superior of Nepal Jesuit Society

I am inspired by the kindness, decency and warmth of the people of Nepal: DeLisi

Nepal makes scant progress in rebuilding 2 years after quake

Communities need to be honest about what is needed as opposed to following our lead: Andrew