एकासी हजार पर्यटकद्वारा निकुञ्जको भ्रमण

Chitwan National Parkचितवन, १० असार । यस आर्थिक वर्षको ११ महिनामा ८१ हजार आठ सय १३ पर्यटकले चितवन राष्ट्रिय निकुञ्जको भ्रमण गरेका छन् ।

उनीहरुमध्ये सौराहा नाका हुँदै ७१ हजार २०४ जना तथा बाँकी १० हजार ६०९ पर्यटक अन्य सात नाकाबाट प्रवेश गरेको निकुञ्जको तथ्याङ्कमा उल्लेख छ । सौराहामा सुविधायुक्त होटल तथा सेवा सुविधा राम्रो भएकाले अधिकांश पर्यटकले सौराहा नाका प्रयोग गर्ने गरेका हुन् । “गएको एक वर्षमा ८७ प्रतिशत पर्यटकले सौराहा नाका हुँदै निकुञ्ज घुमेको पाइएको छ,” निकुञ्जका सूचना अधिकारी नुरेन्द्र अर्यालले भन्नुभयो ।

सौराहासँगै सुनाचुरी, खगेन्द्रमल्ली, घडगाई, कसरा, वनकट्टा, भिम्ले, लौखानी, अमलटारी र कजौली नाकाबाट पर्यटक निकुञ्ज प्रवेश गर्ने गरेका छन् । सौराहापछि कसराबाट पाँच हजार २०९, भिम्ले पोस्टबाट तीन हजार १४३, घडगाईंबाट २३४, वनकट्टाबाट १८३, लौखानीबाट २०२, अमलटारीबाट एक हजार हजार ५१२ तथा कजौलीबाट १२७ जना पर्यटकले निकुञ्ज घुमेका छन् ।

निकुञ्ज प्रवेश गरेका पर्यटकबाट करिब रु १२ करोड राजस्व सङ्कलन भएको छ । निकुञ्जका रेन्जर ऋषिराम ढकालका अनुसार साउनदेखि जेठसम्म निकुञ्ज घुम्नेमा ४२ हजार १५१ पुरुष र ३९ हजार ६६२ जना महिला पर्यटक रहेका छन् । “रु आठ करोड राजस्व प्रवेश शुल्कबाट उठेको छ,” उहाँले भन्नुभयो । चैत महिनामा सबैभन्दा बढी रु एक करोड ८६ लाख ४४ हजार राजस्व सङ्कलन भएको छ । रासस

Related News

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*
Advertise Section 7

TOP NEWSview all

Trip Down under

We want real conversion of our students beyond religion: Fr. Boniface Tigga, Regional Superior of Nepal Jesuit Society

I am inspired by the kindness, decency and warmth of the people of Nepal: DeLisi

Nepal makes scant progress in rebuilding 2 years after quake

Communities need to be honest about what is needed as opposed to following our lead: Andrew