कृष्णसारको सङ्ख्या बढ्यो

suklapant-deers-300x230बर्दिया, ११ असार । कृष्णसार संरक्षण क्षेत्र खैरापुरमा नेपालकै दुर्लभ वन्यजन्तु कृष्णसारको सङ्ख्या बढेर २५७ वटा पुगेको छ ।

विसं २०७१ साउन ३० गते आएको बाढीले २८१ कष्णसारमध्ये ४० वटालाई बगाएको थियो । बाढीबाट चार वटा भाले र चार वटा पोथी कृष्णासार मरेका थिए भने अन्यलाई बाढीले बगाएको थियो । संरक्षण क्षेत्रमा अहिले ७९ वटा भाले, १२७ पोथी र ५१ पाठा कृष्णसार रहेका छन् ।

एक हजार ८०० हेक्टर क्षेत्रफलमा फैलिएको यस संरक्षण क्षेत्रका लागि सरकारले बर्सेनि लाखौँ रुपैयाँ खर्च गर्दै आइरहेको छ । वन्यजन्तु तस्करी, चोरी सिकारी, जङ्गली जनावरको आक्रमणबाट बचाउन र खुला चरीचरनबाट लाग्ने रोगबाट जोगाउन गरिएको प्रयास पछिल्लो समयमा सफल भएको छ ।

दुर्लभ मानिने कृष्णसार संरक्षण गर्न प्राकृतिक प्रकोपको चुनौती थपिएपछि संरक्षण क्षेत्रमा चार वटा माउन्ट रेज (माटोको कृतिम पहाड) बनाइएको संरक्षण केन्द्रका अधिकृत पुरुषोत्तम शर्माले बताउनुभयो । दुर्लभ वन्यजन्तु कृष्णसार संरक्षणका लागि सरकारले २०६५ फाल्गुन २३ गते देखि कृष्णसार संरक्षण क्षेत्र घोषणा गरेको थियो ।

प्राकृतिक प्रकोप, चरीचरन र संरक्षण क्षेत्रमा दीर्घकालीन रुपमा तारवार गर्न सके मात्र कृष्णसारको संरक्षण हुने उहाँको भनाइ छ । सुरुमा यसक्षेत्रमा नौ वटा कृष्णसार रहेका थिए । रासस

Related News

Comments are closed

TOP NEWSview all

Japan Hands Over the Sanitary Napkin-Making Machine in Parsa

Mayor Shah directs employees to reduce visits, seminars

Veteran singer, musician Bhakta Raj Acharya passes away

Trade deficit of Rs 811 billion in first seven months

WHO congratulates Nepal for legislation to restrict trans-fatty acids in food




Positive Development Media Pvt. Ltd. / Regd. No: 232 / 073-74

Newbaneshwor
Kathmandu, Nepal

4479401


Editor : Mr. Divesh J.B. Rana

Chairperson : Mr. Kishore Thapa


Counter:
Web Counter