प्राधिकरणको अधिकार उपक्षेत्रीय कार्यालयमा प्रत्यायोजन

Nepal Reconstruction Authorityकाठमाडौँ, १३ असार । राष्ट्रिय पुनःनिर्माण प्राधिकरणले उपक्षेत्रीय कार्यालयलाई गैरसरकारी संस्थासँग समन्वय गर्नेलगायतका काम गर्ने अधिकार प्रत्यायोजन गरेको छ ।

उपक्षेत्रीय कार्यालयलाई थप प्रभावकारी र क्रियाशील बनाउन अधिकार प्रत्यायोजन गरिएको प्राधिकरणले जनाएको छ । भूकम्पबाट अतिप्रभावित १४ जिल्लालाई समन्वय गर्न गोरखा, दोलखा, काभ्रेपलाञ्चोक, नुवाकोट, काठमाडौँ र ललितपुरमा उपक्षेत्रीय कार्यालय स्थापना गरिएको छ ।

उपक्षेत्रीय कार्यालयलाई कार्यालय सञ्चालनसम्बन्धी कार्य, गैरसरकारी संस्थाबाट प्राप्त परियोजना प्रस्तावको मूल्याङ्कन, स्वीकृति, अनुगमनलगायतको जिम्मेवारीको अधिकार प्रत्यायोजन गरिएको प्राधिकरणका प्रवक्ता रामप्रसाद थपलियाले राससलाई जानकारी दिनुभयो ।

“कार्यालयलाई ऐतिहासिक, धार्मिक, सांस्कृतिक सम्पदा र स्मारकको जिल्लागत विवरण तयार पार्ने, पुनःनिर्माण तथा पुनःस्थापनासँग सम्बन्धित कार्यक्रमको मापदण्ड निर्धारण एवम् गुणस्तरको अनुगमन गर्ने, जिल्लास्तरीय कार्यक्रमको संशोधन गर्नेलगायत जिम्मेवारी दिइएको छ”–उहाँले भन्नुभयो ।

कार्यालयका कामको साझेदार संस्था, नागरिक समाज, स्थानीय सञ्चारमाध्यमको संलग्नतामा सार्वजनिक सुनुवाइ, सार्वजनिक परीक्षण, सामाजिक परीक्षण तथा तेस्रो पक्ष परीक्षणको काम गराउने अधिकारसमेत प्रत्यायोजन गरिएको प्राधिकरणले जनाएको छ ।

उपक्षेत्रीय कार्यालयले निजी आवास पुनःनिर्माणसम्बन्धी कार्यको दैनिक एवम् साप्ताहिक विवरण छिटो माध्यमबाट प्राधिकरण केन्द्रीय कार्यालयमा पठाउन पनि निर्देश गरेको छ ।

मातहतका जिल्लामा भएका पुनःनिर्माणका गतिविधि नियमितरुपमा सार्वजनिक, सूचना प्रणालीलाई व्यवस्थित गर्ने, सबै प्रकारका गुनासो सङ्कलन, विश्लेषण, सम्बोधन गर्ने, सम्बोधन हुन नसकेका गुनासो समाधानका लागि केन्द्रमा पठाउने र आवश्यक पर्ने सुरक्षा व्यवस्थाका लागि सम्बन्धित निकायसँग समन्वय गरी काम गर्ने अधिकार पनि प्रत्यायोजन गरिएको प्रवक्ता थपलियाले बताउनुभयो । रासस

Related News

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*
Advertise Section 7

TOP NEWSview all

Trip Down under

We want real conversion of our students beyond religion: Fr. Boniface Tigga, Regional Superior of Nepal Jesuit Society

I am inspired by the kindness, decency and warmth of the people of Nepal: DeLisi

Nepal makes scant progress in rebuilding 2 years after quake

Communities need to be honest about what is needed as opposed to following our lead: Andrew